هنـا ...> مـوادعك خيـره ..!

[موادعك خيره..!]

الحب .. طفل ٍ سكن شعري وهوجاسي
وفي ظلوعي العـوج ربيتـه وكبّرتـه


خذاني من .. الوطن والناس وانعاسي
وابـلا قناعـه .. تقبّلتـه و برّرتـه


سلمت أمري إليه وطحـت متواسـي
إلين ماصار شـي ٍ مـا تصوّرتـه !!

[موادعك خيره..!]

ما عـاد بـه جـرحٍ يشـد انتباهـي=انـا الخطـأ والعـذر منّـي خطيّـه
اركض واحث الركض عكس اتجاهي=والركـض هـو والاتجاهـات هيّـه
غنت جروحي للعتـب فـي تباهـي=من كل جرح وجرح لـي مزهريـة
حتى يديّ اللي تصافحـك مـا هـي=احسهـا عنـد المصـافـح يـديّـه
بعيونهـم كـل الاوامـر نـواهـي=وبعيوننـا تبقـى الامانـي عصـيّـه
عني وعنك الوعد مـا زال ساهـي=وفيني وفيك البعـد مـا فيـه زيّـه
صدقني انه مـا بقـي حلـم زاهـي=يمكن يشع في عتمـة البـال ضيّـه
واصدقك لو قلـت لـي يـا إلهـي=هذا انت مت وفيك الاوجـاع حيّـه

[موادعك خيره..!]

إلا أنـا وانـا افـرد الحـزن واطويـه=مـا اذكـر لغيـر الله وطيـت راسـي
من يـوم ميـلادي بـدت رحلـة التيـه=اكبـر ويكبـر داخلـي جـرح قاسـي
ابني الأمل تـم اهدمـه وارجـع ابنيـه=طموحي اكبـر مـن مسافـات ياسـي
اعرف متى ؟ واعرف لمن ؟ دمعي اهديه=لحظـة يقـيـن تشـدنـي لالتبـاسـي
فيني وطـن مالـه زمـن والتقـي فيـه=وارسـم ملامـح فيـه لاهلـي وناسـي
فيني طفل ماله اسـم وييـش اسميـه؟!=احبنـي واحــب كــره الكـراسـي
فيني وعد صعب اكسره واصعب اعصيه=نـذرت لـه جفـن انتباهـة نعـاسـي
إلا أنا صحـو المطـر جيـت اصحيـه=ليت العطش مابات فـي جـوع كاسـي
كم باب با اسمي قـال! مـا قلـت لبيـه=اخترت كيف انسـى ليـا كنـت ناسـي
ياصاحبي هـذا الوجـع جيـت اغنيـه=لك , وانـت غنـه دمعتـك للأماسـي

[موادعك خيره..!]

حتى أنت غبت وكان لغيابـك غيـاب
انتـه نسيـت ولا نسيـنـي غيـابـك

شوف المسا .. لو مرني مر مرتـاب
ماعدت فيـه أقـرأ رضـاك وعتابـك

قل : للسهر فكيت لك يالسهـر بـاب
هذي عيونـي يالسهـر مرحبـا بـك

لي فيـك ماللهمـس بشفـاه الأحبـاب
ولك في مـا يشبـع هزيـل إرتيابـك

[موادعك خيره..!]

ليت المكان اللـي ورى دمعتـك ذاب
وقف شوي ومثل مـا أخـذك جابـك


أشهى قدر.. لو الخطأ بالخطـأ تـاب
وأجمل قدر.. لو مربـي .. وإنتهابـك

[موادعك خيره..!]

مستبشريـن وغيمـة الدمـع تنشـاف ..!
نظحك وحـزن قلبونـا مـن حكالـه ..

[موادعك خيره..!]

التناكر بين (( خلق الله )) بدى

.................................... صار هذا تقل مايعرف هذاك..!

(( الفتن )) خلت رفاقتنا \ عِدى

.................................... (( والوجيه البيض )) تطعن في قفاك..!!

إستمع صوتي \ ولاآبيلك صدى

.................................... ذاخرٍ (( ياذيب للمرقب )) اعواك..!

بح (( صوت العقل )) من طول الندى

.................................... إلمس المحسوس \ وإستخدم ذكاك..!!

(( فرصة التغيير )) لاتذهب سُدى

.................................... قبل تبدى .. خطوتين \ إرجع وراك..

طيبتك مع (( بعض خلق الله )) ردى

.................................... لاتواضع (( وأسفل العالم )) رقاك..!!

الحقيقه .. زيف \ والمصلح .. غدى

.................................... والنصيحه \ أوشكت تصبح هلاك..!!

لاتقول : إن مالي \ ومالك جدى

.................................... (( ياعزيز النفس )) ماينفع غنَاك..!!

وش عشاك .. وإنت ماتلقى غدى..؟؟

.................................... لاتقول : إن الغدى \ تالي عشاك..!!

أدري إن (( العافيه )) ثوب \ ورِدى

.................................... لكن .. الخوف \ المرض .. إذا أعتراك..!!

للطموح إن مات (( واحدنا )) فِدى

.................................... البلا لاعشت \ ماحيٍ رجاك..!!

للعطش .. غيمه \ وللورده .. ندى

.................................... والوسيله \ قد تبرر مبتغاك..!!

(( إنحلال المجتمع )) ماله مدى

.................................... ناظر أصحابك \ قبل تنظر عداك..!!

الفساد (( بدُورنا )) قام يحدى

.................................... أضعف الإيمان \ تسأل .. وش بلاك..؟؟

(( النبي )) بدّل ضلالتنا \ هدى

.................................... بس مايقدر إذا \ ماالله هداك..!!


.
.
.


عزالله صـآآآآدق ..

[برميل فاضي]

قمه الابداع *** في روعه المتاع

الله فيض من المشاعر في قلب الشاعر

لاهنت(ي) ع الرونقه الشعريه

[موادعك خيره..!]

^

^

^

يـامرحبا ومسهلا ومتابعتك تشرفني ..

[موادعك خيره..!]

قص التذاكر لـ( تقديري ) ولـ( اعجابي ) !
على خطوط الغياب .. ورحلة الفرقا

عزّمت اسكّر عن ضيوف الهوى بابي
حفظاً لـ( دّم ) البحر من زلة الغرقا

افضل / ولا ابقى كذا عايش على اعصابي
ماغير احوّل من رجوم التعب وارقا

لي الشرف .. لو يموت الحب بـ( اسبابي )
لأنه كسر خاطري مع نوحة الورقا

من يوم مات الوفاء .. في عالم احبابي
سمحت من ماطرك .. يالغيمه الزرقا