وهذى اهداء خاص جدا جدا للمنتدى ومن فيه

[عامر الحجرف]

السلام عليكم ورحمة الله وبركاته هذي القصيده للشاعر الغني عن التعريف ((مانع عبد الهادي اليامي )) التقيت به وانا معزوم على العشاء عند ابن بلال شاعر يام وفي اثناء الحديث تكرم الشاعر // مانع عبد الهادي اليامي باهداء هذي القصيده للمنتدى ومن فيه وعلى رأسهم امير العجمان والرئيس الفخري للمنتدى الامير // سلطان بن سلمان آل حثلين وقمت بنقلها لكم فاليكم القصيده

.

سلامي ماهما همــال ودان المــــــــزون وهل
على احرار الصقور اللي تعشيها مخالبها
نزيــهين المبادي والقــصيد بــــــــهم نقاه أقبل
نوادر مهجتي فيهم محققتن مكاســـــــبها
سلاطين المــجالس شاهده راعي المثل الاول
شــــياطين المعارك لانتخى بالخيل راكبها
معاصير الدول يام العريضه والبروق اشـــعل
اب بارودن وعمرودن ومضهودن يحاربها
على وضح النقى نلقى ونبقى والسيوف اتسل
على كم روس قوم وقوم شتتناء شـــعايبها
غدو في دقل يام يوم باعـــــــــــو بيعتن تذهل
يبيعون العمار الغاليه في ســــــوق واجبها
لهم قاسي الحديد ايلين والـــراس العنيد يذل
وهذي يام فالأيام حـــــاضرها وغــــــــايبها
أهل ناله وهل قاله وهل حــكمه وعقد وحل
لمنها كبرت القالـــــــه بني عمي تفوز ابها
أقول ولاعلى باقي القبايل زود مــــــانجهل
مواقيف الرجال اللي عريباتن مناســــــبها
لهم نشهد وتاريخ العرب يشهد وبه سـجل
فعايلهم على وضـــــــح النقى تبقى لكاتبها
وقصيد المدح باللي يستحق المدح ماينمل
تعلاءسامي الامداح باســــــماهم كواكبها
يقوله شاعرن معروف لايجهل ولايجــهل
تمـــاثيله مع امـــثاله متعبتن ركـــــــايبها
وباب النقد للنقاد والناقد مـــــــــهو مقفل
على حسب الوصول الناس ماندرك مطالبها
وعلي في مدح ربعي سايلك بالله ماتزعل
قبل تزعل علي ازعل على روحـك وعاتبها
فعول الجود لولا ذكرها راحت سراب وضل
وانا شاعر ومفروضن أشيدها وشيد أبها
وسلام ورحمة الله وابركاته والبروق شعل
وهذي يام فالأيام حــــــــــــاضرها وغايبها

*******

وسلامتكم وصح السان شاعرها

الشاعر // مانع عبد الهادي اليامي