أنت وش عليك من ذيبي ياكلني ولاماياكلني !!! قصيصه من التراث

[ملكعه بس غير]

صبحتوووووووووووووووو بالخييييييييييييييييييير
وش حالكم عساكم بخير
بخش بالماضوووع دوووغري

(انت وش عليك من ذيبي ياكلني ولا ما ياكلني :D )




يقوولووون انه مثل بس وش قصته ؟؟
هذااا ياطويلين العمر والسلااااااامه كان راعي ابل معشيٍ نياقه العصر وكان على فرسه ومعه راعي ويوم جا آخر العصر قال المعزب للراعي يا فلان حط عينك على البل انا بروح ادور لها مبيتٍ زين مشى من عند الراعي على حصانه يدور لابله مكانٍ دَمْث تبرّك فيه البل في الليل ويوم رقى ذيك الزبارة سمع له صوت بزرِ يصيح ياااااااااو يااااااااااااااااو << فكرت وشلون يصيح البزر اذا يلحقه ذيب ماطلع الا كذا :D
يوم شاف لين فيه العواسج مدري عوسجيات "" جمع العوسج او العوسجي << كنه اسم بر كشتنا فيه سنه من السنين
والبزر يدور حولهن ويصيح وفيه ذيبٍ يراوغه من حول العوسجه < لاعبه في ام اللغه ادري
و كل ما راح الذيب في جهه راح البزر في الجهه الثانيه قام صاح الرجال على الذيب الخلا الخلا وهذب الحصان عنده والذيب يوم سمع صوت الرجال هج ويوم اقبل الرجال على البزر والعوسجه قال للبزر ياولد هو بغا ياكلك ...!
قال البزر: انت وش عليك من ذيبي ياكلني ولا ما ياكلني << موب كفو صح
ويوم قرب منه الا هو مهوب بزر طبيعي شوشته كلها شوك وعيونه مثل الصدوع من فوق لتحت وقال له الرجال الله يجعله ياكلك ولا يخلي لك شريدة << امييييين
ويوم اقفى عنه ووصل راس الزبارة اللي سمعه منها اول مرة سمعه يصيح بعد ويوم التفت يمه لين ذيبه اللي اولا يراوغه بعد بس هالمرة ما رجع له راح وخلاه في حال سبيله هو وذيبه ويوم جاء النهار الثاني والبل تمر العواسج حقت الجني ويمر الرجال على العوواسج ويلقى مفارس الذيب للجني وفي المكان نطف دم بسيط وكان الذيب حافر له زرب صغير في طرف احدى العواسج عاد الرجال فسر محفر الذيب للزريب ان الجني البزر كان ناوي يدخل في بطن الارض بس الذيب صاده قبل تبلعه الارض والبدو يقولون ان الجني ليا شاف الذيب ما عاد تبلعه الارض




وسلامتكم يابيضان الوجيه عاد انتو موب كل ماشفتو لكم بزر يلعب بلحاله مع ذيب تروحون له يقال لكم تستفزعون له تراه جني :D
مايتسفاد لي واللي ماكتبت هالقصه الطويله العريضه الا علشانه هو اني اعرف جمع كلمة العوسج << اللي يجاوب له جايزه : من شاف وشلون تكتب كلمة جايزه عافها
ووش رايكم باللون يصلح بدله للعيد صح :D :D