قصائد للشاعر الكبير / عمير بن عفيشة الشهواني الهاجري .. قطر.

[سمو الرووح]

السلام عليكم ورحمة الله وبركاته


اليوم جايبه لكم معلومات عن الشاعرالكبير والمعروف في شبه الجزيرة

وهو غني عن التعريف صراحة ولكن لزيادة المعرفة والمعلومة

عن هذا الشاعر الكبير رحمه الله.


الشاعر القطري : عميــر بن راشـــد آل عفيـشـه الشـهـواني الهـــاجري


ولد شاعرنا في عام 1890 ميلادي وهو ابن الشاعر الكبير راشد بن عفيشه الشهواني
وهو من فخذ الضياغم وقد نهل شاعرنا من شعر ابيه فكان شعره عميق وجميل وقد نظم
في جميع الاغراض الشعريه كالمدح والرثاء والغزل والنصائح وقد احتل شاعرنا مكانه كبيره
بين شعراء الخليج وله ابيات جرت مجرى الامثال وقد اتصل شاعرنا بكثير من حكام الخليج فمدح الكثير منهم ورثى الكثير منهم وقد كانت له علاقات وطيده وطيبه بين شعراء عصره مثل
لحدان بن صباح الكبيسي وصالح بن سلطان الكواري وحميد بن خرباش المنصوري وشاعره
الامارات الكبيره عوشه السويدي الملقبه ببنت الخليج وقد جرت مساجلات بينه وبين الكثير من
الشعراء ولعل اشهرها مع حميد بن خرباش المنصوري وعوشه السويدي

وقد عمر شاعرنا حتى بلغ من العمر 90 عاما وقد اصابه العمى في اواخر ايامه وقد وصف
نفسه بهذا البيت أنا ياوجودي موتري خارب الليتات 0000 ولاله على التسراه ليت يشبونه

وقد توفى رحمه الله في فيينا حيث كان يتعالج هناك عام 1982 وقد ناهز التسعين ودفن
في جنوب قطر في منطقه دوحه الحصين في الساحل الغربي من قطر


ومن قصائد شاعرنا هذه القصيده


يا غتيرٍ بالقبايل وتاريخ العرب 0000 جدنا اللي سبع الأفيا شكوا حرايبه

من بني ضيغم عبيده عريبين النسب 0000 من بني هاجر وقحطان حن ضرايبه

جمعنا يشدي قنيف يزايفه المهـب 0000 الهنـادي بارقــه والقنـا سحايبه

والرعد حس المحبب الى منه نحب 0000 والغثير وعج صم الرمك سكايبه

ما نعيل الا إيلا من حرك العايل سبب 0000 وإعتمد بأمراً وكبرت بنا مصايبه

ما يفك المنتشب من مدورة النشب 0000 كون من لا يحسب القبر كم نصايبه

لامشينا بالسلايل وحذفنا السلب 0000 واحتمى سوق الفناء والتقت مصايبه

نرد ميراد الظوامي على جال الثغب 0000 ماردٍ للخيل بين المرج والعايبه

ذا لا عني صافي الخد مزفون الهدب 0000 جادلٍ يضفي على منحره ذوايبه

نلتقي للضد شروا قصاصيب الجلب 0000 لين مجلبنا يوقف مع جلايبه

مجزراً لاولاد به مثل عمري الخشب 0000 لاحدر به جارح السيل من شعايبه

وإن بغى زودٍ حايشة النكب 0000 ضربةٍ في الرأس والا مع ترايبه

وان تنزح ناصله فوق زينات الودب 0000 نقصر العنوه على من بدت سبايبه

ننثر الغاره ولو فيها الجنب 0000 لين يظهر كل متوجد وجايبه



وهذي قصيده يناجي فيها ولـده فهـد



القلب يا ابني فهد به دار هاجوس ... روابع ٍ بين الرجا له وياسه

في بني ساس ٍ عاد له دثر ورسوس ... متهدم ٍ ساسه ومن مر داسه

من مختلف وقت ٍ به العدل منكوس ... تشارك الطاهر وراعي النجاسه

والشرك به مكشوف والدين مدسوس ... حتى ولو بين سريع ٍ اخلاسه

وفي الناس ناس ٍ عضوا الدين بضروس ... وناس ٍ عاونت على هدم ساسه

هذا الذي يذكر بالالواح مدروس .. شفناه شوف العين قبل الدراسه

وعادوا لنا الماضين حيين بعكوس ... واكبر غلطنا نعتجب في العكاسه

دنياً تقلب كنها ريش طاووس ... تمسي وتصبح بين كره ٍ واناسه

وحنا نعرف ان ضد الاقبال بتعوس ... واطيب لنا يا ابني فهد الجلاسه

قم قام حظك دك للنار دهلوس .. حيث ان شبوب النار يبري الحساسه

واجعل عليها من حطب رمث غاموس .. ماهو بدغث اللي وقيده قباسه

واصنع لنا فنجال ماهو بمكبوس .. ريحه يفك الصوع عند احتماسه

لا اجتال في محماسه البن محموس .. وارتد من عقب الغتار بدهاسه

كبه بضباح ٍ لاطق مرفوس ... يقنب قنيب الذيب ولاا الجراسه

واحشه بصفرا كن بها التبر مطلوس .. تصفاتها كالورس حل اختراسه

ماها وطبختها مع الهيل مقيوس .. وانت البصير بها وراعي البهاسه

بدلال مافيهن مكنسل ومشموس .. رسلان مثل موقعات القباسه

منهن منزل ٍ وسطها الكيف مخموس .. لا ذاقه المستصاع تبري عماسه

تهيل لمن يردون لاثار عكبوس .. لا اختلط عج الرمك واقتباسه

خطلان الايدي مورية كل ناسوس .. وسيوف هند يقسمن التراسه

ربعي قصاصيب الفنا كل دابوس .. في الضيق لاعيق الطمع والتماسه

قوم ٍ تكافح كل كساب ناموس .. وكل ٍ بحوض المدح يشرب بكاسه

والمدح له ني وفقار ٍ ونسنوس .. وحزنا سهمنا الجزل ماهو دساسه

الاوله مانمغث الجار بحسوس .. والثانيه فينا الكرم والحماسه

واللي تبقى منه بين العرب روس .. كل ٍ يحوز من المراجل قياسه

قلته وانا من نازلين الخطر جوس .. بيوت ٍ تبنى فيه قبل العساسه

اهل النبا الطيب من دقيانوس .. واهل السموت الطيبه والفراسه

هواجر ٍ يدري بنا كل منحوس .. لاضده اقوى منه ضد ونحاسه

ونتبع هوى القطعان والضد مكلوس .. وما زان من قفر ٍ رعينا مساسه

وحنا لها بالخوف جيران وحروس .. جوس ٍ ولا نبغي منه احد ٍ حراسه

وننزل لا من قالوا الحبل ممسوس .. في قافر ٍ ماداس به كون حاسه

وحنا لمن في هامته زوم فاعوس .. نخلف هقاويه ونكمل عطاسه

ولا ثار عكنان ٍ تقابس به الطوس .. وكل ٍ لبس للضرب درع ٍ وطاسه

الله كسانا راية العز ملبوس .. سبحان من فصل علينا لباسه

نمسح بالانفس يوم دايس ومديوس .. لا صار ميدان ٍ وسيع ٍ مداسه

وتنحي بنا الزلبات في الضيق كردوس .. مثل الوحوش اللي هوت بنتكاسه

ونخوض بالميدان لو فات بنفوس .. لو صافي الخمسين خمس الخماسه

لعيون من عدل شفاياه بلعوس .. غر ٍ خذاله مدة ٍ في عناسه

وان رمانا ضد ٍ غترنا بجاسوس .. عود بغبنه بالفشل والتعاسه

وناتيه لو دونه جبال وطعوس .. معطان لو بالليل حزة نعاسه

وفينا لمن يصفى لنا لين ملموس .. والجفس ماله عندنا الاا الجفاسه

قاسين ماطعنا لحكم ابو كبوس .. ومنا البحر والبر ثار اعتفاسه

فيما مضى واليوم روس ٍ تحت موس .. وتشابه الراعي وراعي الرياسه

والحكم للي يرفد الناس بفلوس .. واخلف مروات الدول بالسياسه

عبد العزيز اللي تهاضع له الروس .. مرهق اسود الغاب الي اشتد باسه

اللي جعلنا بين مطلق ومحبوس .. كل ٍ بكفه يلتمس وين راسه

وامن ميادين وبلادين وغروس .. ونزح محسنة اللحى بالمواسه

وخلى الفهد والظبي والذيب والعوس .. متوالفين ولف بغض وغلاسه

وتمت وصلوا عد ماهبت الكوس .. وعد مخضر ٍ دنا به يباسه

على شفيع الخلق لامدوا القوس .. في موعد الخلق المبعوث ناسه



رحم الله عمير بن راشد ال عفيشه الشهواني الهاجري .. وغفر له .. آمين يارب.

منقول بتصرف من ديوان الشاعر وبعض المواقع

تقبلوا فائق التقدير والاحترام الجميع ..

[الغروب]

سمو الرووح

اشكرك على تقديم سيرة الشاعر الكبير عمير بن عفيشة

وبعض من قصائدة

استمتعب بها

لكِ تقديري.

[ابو مسفر]

صح لسانك والله يرحمه

[هادي بن فهاد]

سمو الرووح

الله لايهينش على ايراد الرائع


صح لسان شاعرها

[ليــه يازمـــن]

صــح الله لســانه

والله يــرحمه

ومشــكوره عــلى مـــاقدمتي

[سمو الرووح]

شكرا لكم الجميع ولاهنتوا على المرور الطيب والردود المميزة


الغـــروب


ابــن هـــايـض


هـــادي بـن فهــاد


ليـــه يــا زمـــن



دمتـــم بحفـــظ اللــه .