قصيدة للشاعر سلطان بن وسام الهاجري ... أتمنى أن تنال أعجابكم

[عويضه الوقدان]

السلام عليكم ورحمة الله وبركاته


مساء الخير للجميع

أضع بين يديكم هذه الرائعه من روائع الشاعر سلطان الهاجري التي أتمنى ان تنال أعجابكم

واهني الصخـرة اللـي مايحرقهـا سمـوم=الـزمــان الـلــي يـهــد الـعــزم مـاهـدهــا
الـزمـان الـلــي تـحــدى قـويـيـن الـعــزوم=لـيــن مـشـاهـا عـلــى ود مــاهــو ودهــــا
المجامـل بعـض الأحيـان مايقضـي لــزوم=لابو النـفـس الضعيـفـه ولابو جدهـا
كل ماكبرت وضاقت علـى عيـال الرخـوم=نحـتـزم لأكـبــر مصـيـبـه ونـاطــا خـدهــا
يـاعـيـال آدم وحــــواء تــراهــا مــاتــدوم=دورة الأيـــــــــام لابــــدهـــــا لابــــدهـــــا
أدري ان فالناس معطى وفالناس محروم=هــيــه يـابـيــض الـنـوايــا ويـامـسـودهــا
جعل قسمي عند ربـي مـن خيـارالقسـوم=واحـــــدٍ يــعـــط الـعـطـايــا ولا يـرتــدهــا
ياولـيـد الـبـط وشـلـون مـاتـعـرف تـعــوم=وانـت أبـوك يعـوم جـزر البحـور ومـدهـا
أنـت ياحلـمٍ حلمـتـه مـاهـو مـثـل الحـلـوم=ياضحـيـة مــزح الأحــلام مــادري جـدهـا
ياضمـيـري لايهـمـك مــن الـدنـيـا هـمــوم=الصـعـيـبـه حـلـهــا والـبـسـيـطـه عــدهـــا
جات في سد الشوارب وفي سد الخشوم=كبـر الضيـفـه وعــش الضـيـوف وغـدهـا
الـردي لـو درس المرجلـه فـي كــل يــوم=الـمـراجـل عـنــد أهـلـهـا يـذعــذع نــدهــا
ماكشـفـت الا وضــع والنـمـايـم والـعـلـوم=يـارسـول الحـكـي هــات الـعـلـوم اودهـــا
الصـفـوف ثنـيـن هــذا دفــاع وذا هـجــوم=وانت أظنك مانـت معهـا ولا أنـت بضدهـا
ميـر فـي سـوق الأظـلـه تـريـح ومـخـدوم=وان ذبـحـك الـجـوع كــد التكـاسـي كـدهـا

[ابونايف الوعيلي]

الله الله


لاهنتي ياعويضة وصح لسانك على النقل وصح لسان ابن وســام

مبدع شاعر العررررررب

جات في سد الشوارب وفي سد الخشوم كبر الضيفه وعش الضيـوف وغدهـا
الردي لو درس المرجله في كـل يـوم المراجل عنـد أهلهـا يذعـذع ندهـا

لك اجمل تحيه



ابونايف الوعيلي

[الغروب]

الاخ / عويضه الوقدان

تسلم على الاختيار الطيب لقصيدة الشاعر سلطان الهاجري وصح لسانه

دمت بخير

[عويضه الوقدان]

لاهنت يا ابو نايف الوعيلي

وأشكر مرورك وتسلم على كل حال

واسمحولي ترى القصيده يمكن فيها نقص في الابيات

تقبل تحيتي

[عويضه الوقدان]

لاهنتي أختي الغروب

وأشكر مرورش

مدام حنا في مجالس العجمان يجب أن نختار الأفضل

تقبلي تحيتي

[ناثرة الورد]

{{ عـويضه الوقدان }}

يعطيـك الف عافيه علي هالاختيار الرائع و المميـز ....

تقبـل ::

كل الشكر و التقدير ....

[عويضه الوقدان]

الله يعافيش يا ناثرة الورد


أشكر مرورش


وتقبلي تحيتي

[مسعطر]

المجامـل بعـض الأحيـان مايقضـي لــزوم=لابو النـفـس الضعيـفـه ولابو جدهـا
كل ماكبرت وضاقت علـى عيـال الرخـوم=نحـتـزم لأكـبــر مصـيـبـه ونـاطــا خـدهــا

الوزن الثقيل ,, ثقيييييل

الله الله ,, صح لسانك يا عويضة و صح لساان ابن وسام ,, على القصيدة الجزلة ,,
ابن وساااام الغريب في شعره ما اقدر اقرا اول بيت الا اقراها كاامله

تقبل مروري ,,
أستودعك الله ,,

[عويضه الوقدان]

صح أبدنك يا مسعطر

وليس غريب الابداع والجزاله على شاعر هرم مثل سلطان الهاجري

تشرفت بمرورك العزيز والغالي

تقبل تحيتي وأحترامي

[ابرق عياش]

بيض الله وجهك يااخوي على هالموضوع ولاهنت