سلام

[غناام]

سلام تسليمة ً تبدي على روس المراقيب = واليا بدت يجذب الطرقي لها قوة سناها
اشره على اهل الوفا واشره على بعض المعازيب = يندم بها اللي كتبها بعد بكره لاقراها

[خالد ركيان]

ارررررحب وارق سنود

يامرحبا عد مارتب حروف الطبع ترتيب =وعداد برقن من القبله غيومه هل ماها
تشره وانا اشره ولا نشره على صفر العراقيب =ناسن على قول بندر تفلها يملا لحاها

[غناام]

دام البقا والعلوم اطوال والدنيا تجاريب = والنفس وش عذرها بكرة ليا طاعت هواها
لاجات حمله ثقيله ودعوها شمخ النيب = وان كان ماتنقل الحمله ترا يحسب علاها

[مفراص الحديد]

الله الله

واصلوا يا شعار موفقين .

[خالد ركيان]

ياصاحبي والله انا مانبي شذب العراايب === ونفوسنا من غثى الدنيا يكفينا غثاها

تعرضوني بدون اسباب جهال الاقاريب === لكن عسى الله يصبرنا قبل نلعن ثواها

[خالد ركيان]

هلا بمفراص
ابشر ابشر

[غناام]

البيت معمور باهله والطراقي والاجانيب = والناس شافت وعافت بعضها سبة لغاها
ان جات من طيب الله يصلحك تبقى على الطيب = والثانيه قالها لافي وحدد مستواها

[غناام]

ارحب يامفرااص لاهنت

[خالد ركيان]

صحيح والعقل اخير من المقاضب باللغابيب === وبعض الاوادم شبيه اخته وحكيه من حكاها


يا سد مارب لون الفار ما فجر بك البيب === مكان صارت عبر للناس وتعرف امعناها

[غناام]

بيض الله وجهك ياخالد وصح لسااانك

والسموووحه على القصور لاهنت


والى لقاء آخر باذن الله