الوقـت والله مايحشـم المناعيـر
لاهو على كيفك ..ولاهـو بـودّك
تصيربه .. اشياء مـاودك تصيـر
والنفس عن شي ٍ يفيدك ... تلدّك
اصبر على دنياك ... لو مابها خير
لاتشتكي حتى لو الوقـت ضـدّك
وان حدتك سود اليالي على الغيـر
لاتطلـب الا واحــد ٍ مـايـردّك
عليك .. باللي عالـم ٍ بالمقاديـر
اليا تعبت وبيّـح الوقـت سـدّك
وان جات للواجب وجا منك تقصير
مالك نعم ... لو سالم الزير جـدّك
بعض المواقف ..ماوراها معاذيـر
اما بخـدّ العـذر ... والا بخـدّك
ومن قدّرك ... لابد تعطيه تقديـر
ولا تعدّه شي .... مـن لا يعـدّك
ولا تبرر للفشـل .... اي تبريـر
افهم .. وميّز بين ضحكك وجـدّك
للكل ند .... ولا يجي ندّك صغيـر
اعرف ترى مقياس حجمك بنـدّك
منقوول