طرا على البال طاري والشقاوي نوا=والشعر ينحر هموم القلب لامن نوت
آرد على العد واشرب من عدود الروا=والنفس تشرب قراح الماء ومنه ارتوت
والذيب وان جاع جاب الصيد بعد العوا=واعتاد صيد الفريسه والذيابه عوت
يامقنع الحق بالتزييف مالك لوا=الكاذبه تلتوي والصادقه ماالتوت
وسقوط الابطال ماله من علاج ودوا=كما نجوم السما في الارض لامن هوت
والجاهل اللي يحسبنه لصيده شوا=ويمد يمناه يشوي واليمين انشوت
على طريق الجمايل والفعل ماقوا=حتى لو ان الحكايا بالهواين قوت
والناس وعقولهم بالطبع ماهي سوا=مثل ماقال المثل اصابعك مااستوت
وسلااااااااااااااامتكم تقبلوا تحيات اخوووكم
11-11-2007, 02:56 AM
العرض الشجري
المواضيع المتشابهه
