السلام عليكم ورحمة الله وبركاته
من روائع الشاعر فلاح بن مبرد الحميداني المطيري
هوى نجد شرقي واشرت ساعة الموقوت =فالأرصـاد معلومـات تفجيـر بركانـي
يجيب أندفاعه من عميق البحور الحـوت =ليا ثار في نص البحـر هـز الاركانـي
يفور الخضر يأسواء المواعيد بعد الموت =إليا هزتـه شاطيـه يخسـر بـه البانـي
عطى للحدث صوره مقاييسهـا بالفـوت =خذت رونق التريـخ بأحـداث الأزمانـي
نتايج حدث من مرصد المملكـه للكـوت =لهـا رغبـة التشكيـل بالمحـور الثانـي
لتزويد معلومات تفرق حـدث بيـروت =يهـودٍ وسنيـه علـى حـق نصـرانـي
نتايج مفاهيـمٍ تباهـي عمـل هـاروت =تفاعـل علـى مليـون توزيـن ربـانـي
صداها من الاحساس مليون هاتف صوت =لها من لغـات الـروح مليـون رطانـي
تبلور من المرجـان والـدر والياقـوت =من اسرار فكري يحكـم الجـن سلطانـي
لياهز نسناس الهواء غرسـة المنبـوت =تجاوب سعف خضرالجرايـد بالألحانـي
بها يفرق الحتات عن جامـع السحتـوت =هواء روح مايعرف لهـا طـب نفسانـي
على وين ياللي تحسب الديَن مثل التوت =تمثل طبيب عـلاج مـن غيـر برهانـي
ترى لو دخلت مع الجبل طبعه المنحوت =وترى لودخلت مع النفق مخرجـه ثاني