السلام عليكم
حبيت اتواصل معكم ولو بالقديم
هذي قصيده قديمه وسيتها على نسختين لارضاء جميع الاذواق
يـقـول :
يالجادل اللي لبستي ( البرقع ) بلبس ( شيـك )
سمي فديتك .. تـرى الخسـران مـن خيبٌـك
لبـيـه يابرقـعـك .. لاضمـتـه وجنتـيـك
بـيـاض خــدك وراه .. مبـيًٌـت حبيـبٌـك
وعيونك اللي ( حورٌها ) هبٌـل النـاس فيـك
لاتحسبيـن ( الحـورٌ ) فـي عينـك معيبٌـك
خلي العطـر لآهلـه .. دام العطـر محتويـك
طيبـتـي العـطـر ولا العـطـر ماطيـبٌـك
ان قلت : مابيك !! .. انا نصاب .. واكذب عليك
طايـح علـى خشتـي .. واحـاول أهيـبٌـك
عاد افهمي ؟ . لبى كبـدك . والله انـي ابيـك
بـس ابثيـر اهتمامـك .. واصبـح قريـبٌـك
يالعنبوك انا (أحبك موت ) و ( آمـوت فيـك )
حسي بي (الله يقطـع صيـب مـن صيبٌـك )
ادري ان راسـك عنيـد .. وماتبينـه يجيـك
مطفوقـه وبايعتهـا .. وراســك مسيـبٌـك
((انتي لي لحالي)) وانا لـك .. وبيـن ايديـك
بتشيبيـنـي غــرام الـيــن بشـيـبٌـك
من كثر ما اشتاقلـك ؟ ودي أماشـي أخيـك
مافارقـه لـو زهـق منـي ولــو ريـبٌـك
والخاطر اللـي يطيـب ان شـاف غمازتيـك
ان طيبٌـك طـأب ,,, وان ماطـاب ماطيـبٌـك
حبيبـتـي الله يخلـيـك لأمــك وأبـيــك
لا والله الا عـسـى يخلـيـك .. لحبـيـبٌـك
___
النسخه الثانيه
___
يالجادل اللي لبستي ( البرقع ) بلبس ( طيـش )
سمي فديتش .. تـرى الخسـران مـن خيبٌـش
لبـيـه يابرقـعـش .. لاضمـتـه وجنتـيـش
بـيـاض خــدش وراه .. مبـيًٌـت حبيـبٌـش
وعيونش اللي ( حورٌها ) هبٌـل النـاس فيـش
لاتحسبيـن ( الحـورٌ ) فـي عينـش معيبٌـش
خلي العطـر لآهلـه .. دام العطـر محتويـش
طيبـتـي العـطـر ولا العـطـر ماطـيـبٌـش
ان قلت : مابيش !! .. انا نصاب .. واكذب عليش
طايـح علـى خشتـي .. واحــاول أهيـبٌـش
عاد افهمي ؟ . لبى كبـدش . والله انـي ابيـش
بـس ابثيـر اهتمامـش .. واصبـح قريـبٌـش
يالعنزيش انا (أحبش موت ) و ( آموت فيـش )
حسي بـي (الله يقطـع صيـب مـن صيبٌـش )
ادري ان راسـش عنيـد .. وماتبينـه يجيـش
مطفوقـه وبايعتهـا .. وراســش مسيـبٌـش
جعلش بعد كـل مـن جانـي وانـا مستطيـش
وياليـت للجـسـم تـيـب وفـيـه بتيـبٌـش
((انتي لي لحالي)) وانا لـش .. وبيـن ايديـش
بتشيبيـنـي غـــرام الـيــن بشـيـبٌـش
لاغبتي عني ! امانه ؟ قولي : شلون آعيـش ؟
ماشفتي حالـي ! يومـن آقـول : وش غيبٌـش
من كثر ما اشتاقلـش ؟ ودي أماشـي أخيـش
مافارقـه لـو زهـق منـي ولــو ريـبٌـش
والخاطـر اللـي يطيـب ان شـاف غمازتيـش
ان طيبٌـش طـأب ,,, وان ماطـاب ماطيـبٌـش
حبيبـتـي الله يخلـيـش لأمــش وأبـيــش
لا والله الا عـسـى يخلـيـش .. لحبـيـبٌـش
وطوله اعماركم
للشاعر : سعود بن مهدي