هييه أنت يا اللي معترضني في الحكي غلطان=توقع خَبْرَةّ المى رجلكم لا تنزلق فيهــا
على وضح النقا نمشي مماشي ما مشاها فلان=وعلى ذب الخرايم متعب رجلي ومحفيها
يبي يلعب علي ما درى إني مدوخ الخبلان=إنعرف البندق اللي لا رمت زمة براعيها
إذا أنت تدعي القيفان أنا من بحرها رويان=ولا هي بكايدة لا من بغيناها نغنيـــها
وإذا إنك شايف نفسك تعوذ من بلا الشيطان=ترى عيال النسا كم أخلفت ناس بهقاويها
يقولون إحفر الماء تكثر الورد على المعطان=وقالوا دمدم الماء تسلم الورد وبلاويهــا
وإذا إنك جاهل إنشد كبيرٍ شايبٍ فهمـــان=يعلمك العلوم اللي مضت إن كان تبغيهــا
وإذا إنك راكب راسك نصيحه سم بالرحمـن=فعايلنا وروث جدود مستوره مبانيهــــا
نعز الجار ونزبن دخيل ونكرم الضيفـــان=على حياض المنايا وردنا ورّدَةْ ضواميهــا
هواجرٍ من بني ضيغم عبيده والنسب قحطان=مراسيل لملك الموت يأمرها وينهيهــــا
نزلنا في الجنوب ونجد برجال وقنا وسنـان=على قب المهار اللي المنايا في نواصيهــا
بالشلف يدفقن الدم رعينا عشبهــا لازان=نزلناها ليا هابت كثير الخلق تاتيهـــــا
نزلنا في خشيم الذيب والصافي مع ذاقـان=رعينا المرزمه ويا المريبخ مع علاويهــا
خذينا صلحة الديره وراسه بجارعة للحان=ويوم شحة الديره تركناها لهاليهـــــا
وخلفنا تواريخ وعدود مع قصص فرسـان=على رسم الحقائق ثابته لا ما نخفيهـــا
وبدلنا الديار بدار بقوم كلهم فرســــان=قصاصيب الفنا عوق الخصيم اللي يعاديهـا
وخسرنا مع هل الديره ورعينا عودها ريان=ورسمنا لنا دارٍ لعل الوسم ياتيهـــــا
شمالٍ من الحسا دار الوفا والعرف والظفران=ديار اللابة اللي كم عجز منهو يباريهــا
هذولا هم بني عمي بني هاجر هل السلطان=يبي يقصر قليل العرف لا لا ما يداريهــا
توقع يا قليل الفود جعلك فدوة الظفــران=فعايلهم وروث جدود مشيوده مبانيهـــا
راضي بن عامر الكدادي الهاجري
17-04-2005, 10:00 PM
العرض الشجري
