قصيدة محمد بن ابراهيم موجهه لمحمد الذيب

[ابن جهينه]

اعضاء ومشرفين وزوار مجالس العجمان الرسمي
السلام عليكم ورحمة الله وبركاته
انقل لكم هذه القصيده كما سمعتها وهي للشاعر محمد بن ابراهيم الجهني موجهه للشاعر محمد بن الذيب

تـــوكـــل عـــلــــى الله يامحمد وفـــــــك الـــعــــوج=تــمــوت الــرجــال ولاتـنــكــس بـيـارقـهــا
ولو ان الحزن ضيق مساء الخاطر المبهوج=لــنـــا بـالـشـعــر وقــفـــه ولازم نـحـقـقـهـا
عليك السلام اللـي مـن الصـدر يرسـل فـوج=مـــن الـطـيـب والتـقـديـر والـعــزه اطلـقـهـا
بنيت الـك مـن حـب العـرب بالقصيـد بـروج=تعـلـت عـلــى ابـــراج العـمـايـر وشاهـقـهـا
وركبـت المـراجـل يامحـمـد بــدون ســروج=وعنيـتـهـا حـتــى خــــذت مــنــك مـوثـقـهـا
مــن البـحـر تـاخـذ لـولـه ولاخــذاك الـمـوج=طويـل الـذراع اللـي علـى الطـيـب مرهقـهـا
سمعـنـا الـهـروج ولاحــن بتابعـيـن هــروج=نـعـرف الـرجـال الـلــي يـنـومـس مرافـقـهـا
اذا الشعـر مايصـل المشاعـر وش المنـتـوج=سـحـابـه تــعــدا مــيــر مـاشـفــت بـارقـهــا
وشعرٍ ماهو يحمل رساله على ايـش يـروج=قـصـايـد قـبــل لاتشـوفـهـا قــــوم شـقـقـهـا
يابـو راشـد الانـسـان بـيـن الـريـاح الـهـوج=تصـافـقـه صـلـفـات الـهـبـايـب ويصـفـقـهـا
انــا البـارحـه مـاكـن بــالارض لــي فـجـوج=اقـدم خـطـا رجـلـي عـلـى الــدرب وافهقـهـا
لـو ان راعـي التكسـي لقـانـي قـبـل مــادوج=سـألـتـه كـــذا وشــلــون الايــــام نسـبـقـهـا
يانفسي من الضيقـه غـدا خاطـري مرجـوج=جـروح الزمـن مـن كثرهـا صـرت عاشقـهـا
لـو انـي ماعرفـك اعـرف ان الوفـا مـمـزوج=مـابـيــن الـعــبــاد وحـكــمــه الله خـالـقـهــا

[محمد بن ناصر الغفيلي]

الله يفك عوقك يامحمد ويلتحظلكك من عنده بفرج وسلامه
وصح لسان الجهني و الله لا يوريه مكروه

[عبدالله آل عامر]

صح لسان الشاعر محمد بن إبراهيم الجهني.. دايم سباقين على الطيب
:
ولاهنت على النقل يابن جهينه
:

[فتى الوادي]

صح لسان الجهني ولا هنت يا ابن جهينه على النقل