كلمات السجين مبارك ال عبيد المري في ابوليله

[اورنس مبارك ال عبيد المري]

كلمات/آلـسـجـيـن مـبـارك بن محمد ال عبيد إلمري فـي
ال شـيـخ/ عـلـي بـن صالح البوليله


يالله يلي من ترجاك ماضاع @
يابا الفضايل في نهار الصعايب @
انت الرجا في هين وصعب الاوضاع @
وانت الذخر في معضلات المصايب @
الى غدت هقواتي انصافها ارباع @
وضاقت علي عقب الطرب والعجايب @
ذكرت شيخ يوفي المد والصاع @
طيبه من الله جل شانه وهايب @
الشيخ ابوليله علي وافي الباع @
تنصاه في وقت الكروب الركايب @
وعز الله انه يقضي الشان في ساع @
وان له يمين تنعرف في النوايب @
يفرح به الي من ورى الباب ملتاع @
الي حصل له من زمانه نشايب @
تكفى يابوليله تراك امرك ايطاع @
كبير قوم ولك مهابه وشايب @
ترى ابن عمك من ورى الباب خضاع @
وله هقوه انك في فرجه السبايب @
مافيه غيرك هيبته ترجف القاع @
ولا فيه غيرك ياعطيب الضرايب @
انخاك يوم افجوجها عندك اوساع @
واتجيبها بالطوع ولا غصايب @
امقدر عند الحكومه ولك باع @
وغيرك ولو ننخاه ماهو بثايب @
انا بعيد وطحت والوقت قطاع @
والوقت نسناسه غدا به لهايب @
تكفى تراني خابرك شهم نفاع @
ومواقفك مع منزحين وقرايب @
والي رفيقه مثلك ايحل الاوضاع @
في ذمتي ان يفرح وينسا التعايب @
ومادام راسك حي ياذرب الاسناع @
فانا معك موجود لو صرت غايب @

.........وسلامتكم...........

[مسعطر]

الله يعجل بفرجه و يفك عوووقه ,,,,

و ان تسير الامر بفضل الله ثم مساعي الشيخ ابو ليله فهو اقل الواجب لأبن عمه ,,,

والله يرد لك غاليك يا اورنس ,,,

تقديري ,,

[لبيك]

الله يفك عوقه يارب وابوليله كفو