قصائد في حمد بن نغيمش بن قروش

[عبدالله بن سحمان]

سلام يا نسل الرجال المشاكيل
يالوافي اللي منك جات الهدايا
ابوك وجدودك قبل تعطي الحيل
يعطون بالشدات عوض المطايا
وخوالك الظفران لا صدد حويل
يردون حوض الموت ورد الضمايا
مدك جزيل ويا حمد توفي الكيل
وسلم سلّم يا حميد السجايا
الشاعر / عبدالله بن منصور آل شامر العجمي

[موفي بن فهد]

كفو كفو ياحمد وانت غنياً عن التعريف يابو نغيمش وشكراً لأخي عبدالله بن سحمان علا النقل الرائع

[عبدالله بن سحمان]

أمس العشي ذبيت روس المراقيب
رجمٍ طويلٍ يتعب اللي تعلاه
من بعد ذبه قمت أنا أجاوب الذيب
واجر صوتٍ من توحابه ابكاه
ووحي بوسط الكيد مثل اللواهيب
لاهوب من كبدي على الرب مشكاه
من حب منهو عذب الحال تعذيب
سبحان رب الخلق بالزين سواه
اللي حداني ملحقين المشاهيب
منه حداني واحدٍ من دناياه
والله إلا ونها بضرب المشاعيب
إن أخذ المجمول وعيش وياه
بوصيك ياللي تاخذ العلم وتجيب
وده صبي الصدق والطيب والجاه
وده صبي يفعل الكيف والطيب
ابو نغيمش تفعل الجود يمناه
من لابةٍ وقت اللقا والمواجيب
عجمان وقت الصدق عدمين وعصاه
آلا شامر معطبين المضاريب
يشهد لنا التاريخ باللي حكيناه

الشاعر / ابن حضرم الكبيري الدوسري

[عبدالله بن سحمان]

ياحمد الايام حدت رفيقك لشيٍ ما يبيه
واستمد العون من صوبكم يا بو فهد
لا تناسا عايضٍ يوم كلٍ بار فيه
ماتوا اخوانه وذاق التعاسة والنكد
وانت اخوي اللي لما ثقل حملي يرتكيه
فزعتك يابو نغيمش ترى صبري نفد
يا حفيد اللي على الطيب طايلتٍ ايديه
بين ابوك وبين عمك فهد نعم الفهد
وانت عدٍ يا حمد كل ورّادٍ يجيه
جمته تزداد للورد لا زاد العدد
عقب اللي ينكر الطيب لحدٍ طاب فيه
يجحد المعروف والطيب ما هو ينجحد
الله ينسى من نساكم ويلعن والديه
والله إنك خوي ما دمت حيّ ياحمد
في حلالك فالمراجل تجي كنك سفيه
يوم ولد اللاش يزرع ولاهوب يحصد
حاتم العجمان وان قلت قولي بحتميه
تفتخير بك يام والشبل من ذاك الأسد
أنت شيخٍ يابن قروش ينومس من يجيه
انت شيخٍ للمراجل وشيخٍ معتمد
الشاعر/ عايض بن حسن القحطاني

[عبدالله بن سحمان]

يالله طلبتك وانت تعلم بحالي
يا ربنا المعبود منجي دخيله
تفرج همه لمن بوزن الجبالي
لا جيت اعدل ميل جت لي مليله
تقبل وتقفي بالحشى باجتوالي
يالله طلبتك همي إنك تزيله
فكرت انا بالحل من كل حالي
وازريت انا بالحل هذا نحيله
واليوم بالظفران جاهٍ ومالي
في لازمي والحمل من يرتكيله
يا بونغيمش يازبون الهزالي
وقفت أنا بالحمل وأبغى تشيله
لن عادتك شل الحمول الثقالي
ياليتهم حطوك شيخ القبيلة
فعلك ظهر غرب وجنوب وشمالي
يوم الردي محتال كسب النفيله
مالك وصيفٍ كون زيد الهلالي
انشهد إنك وافيٍ من قبيلة
ربعك هل العادات المقالي
حرابها تسقيه كاس المليله
عجمان لا ما قيل ياهل الجمالي
ياقف لها وقفة دخيل لدخيله
وعمك فهد والجد جدٍ مثالي
وابوك من قبلك بدأ فالطويلة
وانته على ما قيل ياهمالالي
الراس يابس والمعادن اصيلة
ويشهد على ماقول واثبت المقالي
بيتٍ به الضيفان في كل ليلة
ودلال رسلانٍ ونجر يلالي
والعود الازرق نوة مستخيله
هذا وانا اعدك رفيقٍ موالي
اخوٍ من العجمان مابغى بديله
الشاعر / عايض بن حسن الحريشه

[المطيري]

أرحب ياشيخ يااااااام كاااافه. أرحب. رفعت رأس ألعجمااان ويام
في مواقفك وكرمك وشهامتك. يا أسد يام وادق التحيه لك

[المطيري]

كفو كفو بشيخ العجمان بيض الله وجهك يابو نغيمش