×.. (( مــع الســلامـــه ., دام مــابــه ســلامــه )) ..×

[][ .. خــجــل .. ][]

السلام عليكم ورحمة الله وبركاته

بسم الله الرحمن الرحيم

امسي على الكل بالخيـــر ..

اقــدم لكـــم قصيـــدهـ لشاعـــر مبدع وهـــو الشاعـــر <؛ محمد جااار الله السهلي ؛>

اتــرككم مــع القصيـــدهـ ..





لاصرت بايعني أشوفك على خيـر
مـع السلامـه دام مابـه سلامـه


قلت انتهينـا قلـت لك خيـر ياطيـر
ماني بأول شخص يخسـر غرامـه


محذرك من قبلهـا ألـف تحذيـر
لاعفتنـي بيعيـف قلبـي هيـامـه


مانيب ميت لا..ولا احتـاج تبريـر
صـح الله لسانـك ووفـر كلامـه


بسمعك حبكـه وفكـره وتصويـر
وإفهـم عـدل يامدعـي بالفهامـه


وجه الشعر أبيض ويحتـاج تغييـر
ودي تزيـن هالقصيـده عـلامـه


ماضيك الأسود بذكره دون تقصيـر
كـذا يكون بخـد هالشعـر شامـه


يصدق معي تعبير ويخـون تعبيـر
ياضيعة الشاعر بوقـت أنسجامـه


يمكن خطأ أدونـك بالشعـر ميـر
لو مااحترمتـك للغـرام احترامـه


ماكان حبك غير بس طعنتك غيـر
علمتنـي معنـى النـدم والندامـة


ماجـاك منـي أي زلـه وتقصيـر
كل ماخطيـت اعاتبـك بابتسامـه


حسبي على الذكرى إذا هبت عصير
ماعـاد تنفـع شرهتـي والملامـه


البال ضامي وقتها والحـزن بيـر
خسرتك وهمـي كسبـت اهتمامـه


والليل فازعلك كيذا جانـي مغيـر
ظلمتني واكثـر ظلمنـي ظلامـه


لااقبل علي أوحيت صوت المسايير
وفزيت كل ضيـف أقـوم بمقامـه


و ليا عزم هالليـل ضيقـه وتفكيـر
قلـي بربـك كيـف بقـدر أنامـه


مافيه داعـي للعتـب والمعاذيـر
الغدر خان والجرح أطيب عمامـه


أما يجيب الله مطر وتالـي الخيـر
والا السلامه مـاش مامـن سلامـه.
.
.


ان شـــاالله تحـــوز على اعجـــابكم ..

تقبـــلوا مني كل الاحتـــرام والتقديـــر ..

دمتم بود ..

[شيخة الغلا]

ااااالله ااااالله

عليك وعلى إختيارك الجميل

محمد جارالله السهلي

شاعر مميز وجميع قصائده جميله جدا

صح لسان الشاعر السهلي ،، وعلى شانك أختي خجل على الذووووووق الجميل والراقي في نتقاء القصيد

دمتي بحمى الرحمن

تحياتي لك

[][ .. خــجــل .. ][]

المشاركة الأصلية كتبت بواسطة شيخة الغلا

ااااالله ااااالله

عليك وعلى إختيارك الجميل

محمد جارالله السهلي

شاعر مميز وجميع قصائده جميله جدا

صح لسان الشاعر السهلي ،، وعلى شانك أختي خجل على الذووووووق الجميل والراقي في نتقاء القصيد

دمتي بحمى الرحمن

تحياتي لك

ياهــلااا اختي شيخه الغلااا ..
يسعدني ان اختياااري عجبك ..

واشكــرك على هــذا المرور العطر ..
واللي زان الصفحه ردك الجميـــل ..

تقبل كل الاحترام والتقدير ..

[الفرس]

صح لسان الشاعر المعروف بشاعريته ..

وسلمت انامل الخجل بحروف الخجل .. ابيات معبره واختيار موفق ..

لك مني كل التحيه ..

[غـشـام]

حسبي على الذكرى إذا هبت عصير = ماعـاد تنفـع شرهتـي والملامـه
البال ضامي وقتها والحـزن بيـر = خسرتك وهمـي كسبـت اهتمامـه
والليل فازعلك كيذا جانـي مغيـر = ظلمتني واكثـر ظلمنـي ظلامـه
لااقبل علي أوحيت صوت المسايير= وفزيت كل ضيـف أقـوم بمقامـه
و ليا عزم هالليـل ضيقـه وتفكيـر = قلـي بربـك كيـف بقـدر أنامـه

إنتقــاء رائع ..
وصـح لسانه ..
وشُكراً لكي من الأعماق ..

أما يجيب الله مطر وتالـي الخيـر = والا السلامه مـاش مامـن سلامـه

\\

وإلا السلامه ماش ما من سلامه

[][ .. خــجــل .. ][]

يامرحبـــا بك اختي << الفرس>> ..

وصح بدنك غاليتي .. واهم شي ان اختيـــاري عجبك ..

دمتي بود ..

[][ .. خــجــل .. ][]

ياهلااا بأخووي << غشااام >> ..

مرورك على الموضووع .. يزيده جمال ويزيدني شــرف ..

شاكــرهـ لكـ ..

تقبل من كل الاحترام ..

[مسعطر]

الله الله الله ,,

على القصيدة الجميلة ,,

و المعبرة ,,,


صح لسااان السهلي ,, المبدع ,,

و صح لسانش و إختيارش الجميل أختي خجل

إخترتي فأبدعتي ,,,

تقبلي مروري ,,


أستودعش الله ,,

[][ .. خــجــل .. ][]

يــامــرحباا اخوي مسعطـــر ..

صح بدنك .. وشاكـــرهـ لكـ مرورك ..

لا هنت ..

[مسفر مبارك]

قلت انتهينـا قلـت لك خيـر ياطيـر
ماني بأول شخص يخسـر غرامـه


جميله جداً وأكثر من رائعـه ..!!

سلمت أناملك أختــي على طرحهــا ...!!