<< زمان الهم >> .. .. في حبها بعدي بوصي عيالي..

[عبدالله بـن جعشه]

السلام عليكم ورحمه الله وبركاته
اصبٌح \امسٌي عليكم بالخير
رجعنالكم بعد غيبه
هذي ابيات اتمنى انها تعجبكم




فاضت شجون القلب يومه طرالــي
الصاحب اللي فاقده قبـــل عاميــن

دقات قلبي تزيد مدري شجرالــــي
حسيت ان فراقنا قبل يوميــــــــــن

من بعد ماغابت وانا وش بقالــــــي
الا زمان الهم والعالم الشيـــــــــن

وقمت اتخيل صورته في خيالـــــي
وهي تبتسم وعيونها يسار ويمين

لا سلهمت في عينها عزتالـــــــي
عزي لحالي كل ما سلهمت عــــيـن

امنوٌله امشي على الدرب سالي
واليوم في هالدرب نمشي مجانين

كنا نتقابل في ظلام الليالــــــــــي
وتقول ان الليل ستر المحبـــــيـــــــن

عيني انا في عينها وهي قبالـــي
تمسك يديني ياحلو ذيك الايـــديـــــن

تقول وش لي منك ياراس مالــــي
قلبي وروحي فداك ياكامـــــل الزيـــــن

تقول عطني عهد يابعد حالـــــــي
اقول انا وانتي على العهد باقــــــيـــــن

ياليتها من عم ولاٌ خــــــــوالـــــــي
وتصير من حظي على الشرع والديــــن

لكن خذوها العرب والاهــــــــالـــي
والعين تدمع وش ورا دمعه العــــــــيــــن

في حبها بعدي بوصٌي عيالـــــــي
وبنتي عليها فالاسم اسمها الـــــزيـــــن

وهذا انا ياليل جالس لحالــــــــــي
من عقب فرقاها غدا الجرح جرحــــــيــــن

ويالله تجمع كل غالي وغالــــــــي
وتجمع على الاخلاص والحب قلبــــــيــــن


وسلااااامتكم ...


اخوكم عبدالله بن جعشه

__________________