كلمة خفية

[7bk^63jni]

أحـدْ يبنـي بدنـيـاه ويـهـدِّي بغيت أصبر ولكـن بـاح سـدِّي
عجايـب هالزمـان الله يكافـي طويلـة مالهـا بالكـون حـدِّي
إلى بَرَّقتْ فيها ضـاق صـدري وش آخذ ويش أخلِّي ويش أعدِّي
أنا فـي خاطـري كلمـة خفيـه بظهرهـا ولـو ماهـوب ودِّي
ولا أحـد يستشـك إنّـه هدفهـا وانـا ماقلتهـا قصـدي تحـدِّي
أحد يخطي وهو ماهوب يـدري يحسبه تايـه الـراي.. متقـدِّي
وأحد ينطحـك لاجالـه بحاجـه ولامنّـه قضاهـا عنـك صـدِّي
واحد يلعب على الحبليـن دايـم ضعيـفٍ لا يجيـب ولا يـودِّي
ونـاس ٍ ماتفيـد بهـا الجمايـل تراهـم مابهـم مخلـوف كـدِّي
وانا منهـم بـري والشاهـد الله وطـرف العيـن فيهـم مايلـدِّي
جليس السو ماهو صاحـبٍ لـي أنا ضدِّه وهو خصمـي وضـدِّي
إلى جا.. قلت يقعد مثـل غيـره والى أقفى قلت جعلـه مايـردِّي
أنـا ويّـاه مانصـلـح بـديـره الـى منـه نـزل فيهـا نشـدِّي
يدوِّرْ لـه مـن العربـان مثلـه على قدّه وأنـا ماهـوب قتـدِّي
إلـى جاملـت ولياهـا مصيبـه وإلى صرّحـت قالـوا مستبـدِّي
ابصبر مثل صبـر أيـوب لكـن بطول الوقـت مانـي مستعـدِّي
وعرف الطيبيـن أكبـر تجـاره تراهـا كـل يـوم ٍ تستـجـدِّي
مشاهدهـم علـى عـز ومعـزّه تريح خاطـرك وأنـت متعـدِّي
وجليس الخير يضحك له حجاجي واعدّه مثل أخوي وصلب جـدِّي

[راكان اليامي]

لاهنت وصح لسانك

[&آهــــات الحــــزن&]

ابصبر مثل صبـر أيـوب لكـن بطول الوقـت مانـي مستعـدِّي
وعرف الطيبيـن أكبـر تجـاره تراهـا كـل يـوم ٍ تستـجـدِّي
مشاهدهـم علـى عـز ومعـزّه تريح خاطـرك وأنـت متعـدِّي
وجليس الخير يضحك له حجاجي واعدّه مثل أخوي وصلب جـدِّي

صــــــــح لساااااااااانك

[مسعطر]

حب طعجني ارررحب ارررحب

صح لسان شاعرها و صح نقلك و إختيارك الجميل ..

تقبل مروري ..