قصة الجزيه مع ابن رشيد وسبيع والسهول ويام

[بطاح]

سلام عليكم


قصة تاريخيه اعجبتني واتمنى ان تلقى قبولا من ذائقتكم ,,


جاء في كتاب سوالف الطيبين للأستاذ عبدالله بن سعد الحضبي السبيعي 00


قصة سبيع وابن رشيد كما يلي :وقعة((الحنـــــــــــو))بين ابن رشيد وبين سبيع اهل الخرمه واهل رنيه وكان ابن رشيد طامع في ابل القريشات (( لحيات )) لانها من الابل المشهوره في الجزيره .. وانهزم بن رشيد من جموع سبيع والشاهد القصيده التي يقول
فيهاالشاعر والفارس المشهور (( ناجم بن بويتل الفراعنه السبيعي )) .





ياراكب من فوق بواجـة الخـلا
مافوقها الا الميركة مـع صميلهـا
وضحا رعت من خايع العرق مزته
ومصيافها من جنب رغوه جثيلهـا
ذعـاره .. نيـاره .. عيدهـيـه
كن اشهب البارود روج ظليلهـا
ولا كما ربـدا ظليـم تحسسـت
بين الحجايـا مامـن الله جفيلهـا
رز مسامعهـا وبتـر فخـوذهـا
وهجف سماريها وكـد هجيلهـا
تلفي هل العارض صباح من السحر
دار بني عمي رعـو فـي نثيلهـا
ياليتهم شافو عـن الهـرج فعلنـا
يوم الجهامـه ماصفطنـا هزيلهـا
جتنا جيوش ابن رشيـد وسبلـت
دون الحفـا نهارهـا مثـل ليلهـا
جانا بتميم وشمر وحضـر حايـل
وهتيم واهل الشام جنـا يهيلهـا
يقودها قود المزاغيـف بالرسـن
مقدم حصيـن وحصيـن محيلهـا
يبون(( لحيات )) عساهـم للفنـا
ولحيات مقابيس البلا دون حيلهـا
من وقفنا صاحو وطاحـو وظللـو
كن الدبا الكتفان مذعور خيلهـا
نطرح عواديهـم ونقلـع ثبارهـا
لعيون من بالطيب كدت جديلهـا
ولعيون شرف بالمهامـه ترايعـت
عيرات اهل حايل تلاطم شليلهـا
جيوش شرايدهم وهم كثر الدبـا
قلايـل ماينـتـدواى عليلـهـا
لكـن مجالدنـا ليـا ضيقـو بنـا
مجالـد سبـاع مايحقـر ذليلهـا
وحتى ايش لو نهـم ضيقـو بنـا
جروح الخفا ماعاد يبـرد غليلهـا
شلنا عليهـم بالمراجيـف والقنـا
لين الله ادنـى للاعـادي رحيلهـا
والنعم يالزكور حدودهم عن العذا
ماتطـرح الجمعـه الا جليلـهـا
اولاد علي اليـا تعـزوو بجدهـم
ماطاوعت دون العشايـر قبيلهـا
من سو وقع سيوفهـم ورماحهـم
روس العدا ازرىسيلها لايشيلهـا
ونعم يـالاد العميـري بفعلهـم
والله ماللحـرب نرجـى بديلهـا
يوم ارهجو صنع الهنادي وسبلـو
نقالةالزومـة تبرشـم دليلـهـا
ونعم ياترثة بنـي عمـر لااقبلـو
مثل الهجايـا مـن غبايـا مخيلهـا
كم سابقن توهنـت دون جمعهـم
خيالهـا ياكـل ثمـر حنظليلهـا
والنعم ياللي من ورى الدار سبلـو
عوامر حبـل الـدرك يستويلهـا


وقد قال شاعر ابن رشيد على لسانه




جيت ابي لحيات بالماريـه
قيل مامثله مع العربانـي
تشبهه مع زايد الريشيـه
خردن في روشن السلطاني
هو كرت فوق الميه شويه
روحت مع سايح الريضان
اشهد ان لحيبات بالماريـه
فوق وصف يقوله العتباني
مير دونة شذره الهنديـه
واربع جموع من السبعاني
وياهل الوديان ياحوريـة
احذرو علم يجيكم ثانـي





وهذا رد احد شعراء القريشات عليه يقول :




ما تركتوهـا لنـا ماويـه
لين ذقتوا ضربت السبعانـي
وان رجعتوا عندنـا مثنيـه
ضربت تقضي على العدواني
دون لحيات الف واربع ميه
بين ابن ناصر وابن هملانـي
والعسيلي عـزوةٍ مسميـه
من سمعها غـادر الميدانـي
يحسبنا الضيغمـي شاويـه
مادرى انّا نيتـم الوغدانـي
وإنتمنى صيـد راس الحيـه
يومها اللي توفـي الديانـي




ملاحظه:ـ

القبايل كانت تعطي الجزيه لابن رشيدالا ((سبيع والسهول ويام))

يقول عجران بن شرفي السبيعي في ابن رشيد



كل قد ذاق حرب سيفه وطاوع
الا سبيـع والسهـول ويـام


وسلامتكم

[عـسـاه خـيـر]

صح السانك يا بطاح وشكرا لك على ذكر هذه القصه والابيات الرائعه,

[بطاح]

صح بدنك يا عساة ,,


العفو جعلك تسلم ومشكور على المرور الطيب ,,