ميق قلبى ميق حر(ن)على عرض السحاب
شيبتن مغناه جوه ودورات الهبوب
يوم انا شفى مع الذود وزينات الرقاب
مانى براعى خرابات او راعى اقروب
ملتهي من (ى) سنا البرق فى جنح الشهاب
يوم عينى تسبر الشوق من يم الجنوب
وعذاب اللى من البعد يشكى واعذاب
من ديار(ن) فى خفوقى لها وقع وشبوب
والمصيبه تكتمن فى جروحى والمصاب
لا انتكس صبحى على الليل ودركه الغروب
جبت صوتى من بلا الوقت يوم الصوت جاب
بعدما قفيت وقتى على ست الدروب
الحزن والدمع الازرق وهم واكتئاب
والليالى السود منبع وقلب (ن)مايتوب
من غرام (ن) فى خفوقى له دروس(ن)وصاب
ليت فكرى فالمحبه على قلبى ينوب
ما يطيب من الزمن كود ما لذا وطاب
غير انا ابنى مع الوقت حلمى طوب طوب
لو اتوب من المحبه فانا مالى متاب
دامنى فى صوب والتوبه الحسنه فى صوب
مل قلب المعنا كان حظه ماستجاب
دام عم الكذب اللى على فم الكذ وب
متقي ربى واحافظ على نص الكتاب
مانى براعى بطل سك او راعى حبوب
ياحقيقة حلمنا اليوم ياضي السراب
زلزلت صوت المغنى على طبل الحروب
شاااب راسى والبلا انى على حد الشباب
يوم بعض الناس بين غالب ومغلوب
ايه ياقلب المعنا يكفيك اقتراب
دام حسك يجذب الصوت من يم الجنوب
سلامتكم
منقوله عن شاعرها :المعنا
التوقيع
وش عاااد وان قيل بنت رجااال ^^^ شيخه واهلها سلااااطين
28-11-2005, 01:16 AM
(دورات ^^^الهبوب)
العرض العادي
المواضيع المتشابهه
