(( سجـل حـضورك ببيت قصـيدة أو حـكمة ))

[قوت]

لاصارت الشغله تسير وتمشي بخشم الريال
ولايتهيأ اي حاجه كـود تدهـن سيرهـا
والحقيقه واضحـة وكلمـة الحـق تنقـال
دنيا نبطـي ماجنينـا ولا اخذنـا خيرهـا

بكل ود ،، قوت

[الفرس]

مســاء الورد ..

من لذة اسباغ الوضـوء .. ولـذة اذلال الجبـاه=كم غاب عني .. من طمأنينه ومن روضة نعيـم
كم لي وانا ابحث في خفايا الذات عن طوق النجاه=وكم لي على هالحال احث النـور يغتـال العتيـم
مافي الصدر موطأ قدم الاّ النـدم يبحـث خفـاه=والخوف موجع .. والشعور بكثرة التقصير اليـم

[على دروب الغانمين]

السلام عليكم ورحمة الله وبركاتة

من خلقنا الله وحنا عزيزين النفوس=مانوطى شمخ الـروس غير لربها

---------

هذا الغياب اللي خذانا على وين=كل مع الايام عاش بـ( سكاته )
نزعل ونتضايق ونبعـد وبعديـن؟=كل ٍ يدور له عـذر فـي حياتـه
لو صاحبك عن دنيتك غاب يومين=ومنك ولا حتى المراسيـل جاتـه
عادي اذا طال الجفا فوق شهرين=( يمكن يموت ومادريت بوفاتـه )

(منقول......

[يوران]

قهر .. لاضاقت الدنيا عليك والدروب وساع = لاجيت من هاك الوساع وحيل ضاقت بك
قهر .. لما تكب الطيب كله وسط قاع = وتجنى ثمره اجحود وبفعاله يتنكرلك
قهر .. لاكنت فى روض ربيع ممطر مرباع = وماحولك سوى جرحك ..تصفقله ويصفقلك

[قوت]

ماكل من ركب الفرس صار خيـال
ولا كل من شد السرج صار راعيها
ناسٍ تحسب الخيل متعه ولعب عيال
وناسٍ تحسب الثواني لو صار عاليها
عز السحايب ملهمـه لكـل رجـال
تجرح هبوب الريح والسرج باليهـا

بكل ود ،، قوت

[بطاح]

من يشتري ماسنجري لو بـ الاقساط .. = من كثر مايقطع علي اتصاله ..,

[شيخة الغلا]

المشكله .. ماهي بحاجة لتخمين = ولاهي بعد ياناس ..صعب.. القضيه!!
دق الرقم : كيفك .. هلا فيك .. وأهلين =أنا ..الخوي ..اللي مزعل.. خويه!!
قله: تغيب ..وصورتك .. داخل العين = ويبقى لحبك .. في خفوقي .. بقيه!!
أحباب حنا .. لو يجي بيننا .. شين = وما نفترق ..دام المحبه .. نديه!!

[قوت]

ياما رقيت وعثـرت وهدّنـي المرقـا
لاخنـت نفسـي ولاخالفـت نوماسـي
ولامشـت خطوتـي بالسكـه الطرقـا
ولا حنيتـه لغيـر الله أبـد راســي
عرفت غدر الزمـن وانيابـه الزرقـا
ياما قسى الوقت واحساسي هو احساسي

بكل ود ،، قوت

[بطاح]

:

اغار والغيره تحكم المشاعر = سلطانها اقوى من احساس واثق

[على دروب الغانمين]

السلام عليكم ورحمة الله وبركاتة
خمس ابيات اعجبتني ونقلتها لكم::::::::

انا بشر مثلك لي احساس وشعور=واغـتـاظ لا مــس الـكـلام بكيـانـي
حتى وانـا فـي قمـة الغيـظ مقهـور=بعـض الحكـي عيـا يقولـه لسـانـي
بقولها لو قلت لـي صابـك غـرور=مـا فيـه احـد يأخـذ بقلـبـك مكـانـي
العـام قلبـي فـيـك هـايـم ومجـبـور=الـعـام لا مـنـي جفـيـتـك عـصـانـي
واليـوم حبـك فــي حنـايـاه مقـبـور=لـو مــا دعيـتـه للمـفـارق دعـانـي