وكم واحدٍ غره لسانه وهانــــه

[عاليه الاخلاق]

السلام عليكم ورحمة الله وبركاته

ترا اللسان أحيان ينكب له إنسان=وكم واحدٍ جت نكبته من لسانـه
وترا اللسان أحيان يكون ثعبــان=له لدغةٍ خطره وفيها عفانــــه
وترا اللسان حصان يبغى له عنان=ويورط اللي ما يجوّد عنانـــــه
ويحتاج له في كل الأوقات ميزان=ميزان عدل ولا تجيه الخيانــــه
ميزان عدلٍ معتدل كل الأحيــــان=وكل الجوارح تعتبر كالأمانــــه
وكم واحدٍ قد ورطه غلطة لسان=وكم واحدٍ غره لسانه وهانــــه
ويا كم لسانٍ زل راعيه وإنهان=وقال المثل كلٍ لسانه حصانــــه
ومن يستمع لفلان ويصدق فلان=تلقاه دايم متعبٍ في زمانـــــــــه
والهرج يرضي أحيان ويزعّل أحيان=ويحتاج له حكمة ومعها فطانـــه
ويا شين هرجٍ ما يجي فيه ثبتان=ويا زين هرجٍ ينوجد في مكانــــه
ويا شينها لا قالوا فلان غلطــان=ويا زين من جوّد لسانه وصانــــه
والهرج يحصل فيه زودٍ ونقصان=ولا خير في هرجٍ قليلٍ إحسانــــه
والصدق يطلع له حقيقة وبرهان=وكلٍ يبين وينعرف وش كيانـــــه
ويعرف مجال الصدق من غير عنوان=والكذب يعرَف في مجاله جبانــــه
ودايم مجال الكذب راعيه جَبَان=مثل الحصيني مير عنده ذهانــــه
دايم طويل لسان ولا يقضي الشان=يدرج لسانه كنّه الإسطوانــــــــه
وتلقاه في كل المواضيع خسران=وليا نصحته زاد في عنفوانــــــــه
ما فيه طيرٍ طار من غير جنحان=وليا انكسر حدا الجناحين خانـــه
والرابح اللي منهجه ركن الإحسان=الصادق اللي منهج الصدق شانــــه

الشاعر/مبارك البخـيِّــــــــــــــت

[king الوادي king]

وكم واحدٍ قد ورطه غلطـة لسـان
وكم واحـدٍ غـره لسانـه وهانـه


الله الله صح لسانش ولسان شاعرها ولاهنتي

[سمو الرووح]

وتلقاه في كـل المواضيـع خسـران

وليـا نصحتـه زاد فـي عنفوانـه

ما فيه طيرٍ طار من غيـر جنحـان

وليا انكسر حـدا الجناحيـن خانـه

والرابح اللي منهجه ركن الإحسـان

الصادق اللي منهج الصـدق شانـه

صح الله السان الشاعر / مبارك البخيَّـــت


وتسلم يمناكِ عزوتي دوسرية على الاختياااار الرااااائع ولاهنتي.

[ِِِAL 3ajmiah]

صح لسان الشاعر ولساانك يالغلا لاهنتِ

لك الشكر والتقدير ~

[shmoo5_ al_ajmy]

صح السان شاعرهااا وتسلمين علي النقل

[يالبيه يالرقه]

الله الله ولاهنتي ياختي العزيزه وصح لسان شاعرها

[ناثرة الورد]

.. وعليكم السلام ورحمة الله وبركاته ..

{ شُـكـرتي لـروعـهـ الاختيار
ولا حُرمنا روعهـ جديدكـ الراقي ..

دمـتي بهـذا التميـز ~

[ابو المعارف]

صح لسآنك
وفقت في النقل

[عاليه الاخلاق]

المشاركة الأصلية كتبت بواسطة king الوادي king

وكم واحدٍ قد ورطه غلطـة لسـان
وكم واحـدٍ غـره لسانـه وهانـه


الله الله صح لسانش ولسان شاعرها ولاهنتي

سلمت ولاهنت على مرورك

[عاليه الاخلاق]

المشاركة الأصلية كتبت بواسطة سمو الرووح

وتلقاه في كـل المواضيـع خسـران

وليـا نصحتـه زاد فـي عنفوانـه

ما فيه طيرٍ طار من غيـر جنحـان

وليا انكسر حـدا الجناحيـن خانـه

والرابح اللي منهجه ركن الإحسـان

الصادق اللي منهج الصـدق شانـه

صح الله السان الشاعر / مبارك البخيَّـــت


وتسلم يمناكِ عزوتي دوسرية على الاختياااار الرااااائع ولاهنتي.

هلابتس يالغاليه ولاهنتي على مرورتس