هيل وزعفران

[مانع صالح جلاب]

هيل وزعفران



ياحمد لوذاب قلب المهتوي حدر المحانـي

عذره أن نارالهوى تكوي القلوب العاطفيه

والهوى بعضه عذاب وبعضه الثاني تماني

وأشهد أن بعضي تهنا به وبعضي فيه كيه

ياحمد قلبي سرت بـه.. سيـدة كـل الغوانـي

جـادل(ن) بالعـز تحيـا ..مترفه..متنعميّـه

يعربيه .كن نسمهـا ريـح هيـل وزعفرانـي

والحـلا منهـا تحـلا بالتفاصيـل الحلـيّـه

رايعه كنها الأغاني. فـي كتـاب الأصفهانـي

حالمه كنها سواليـف البـدو عقـب العشيّـه

وجهها ضوح الصباح اللي غشاني وأحتوانـي

حبّته حتـى الطيـور وغنّتـه نغمـه شجيّـه

فيه فم(ن) .. زي عنقـود العنـب حالـي ودانـي

حبّته تروي الغليل وتسعـد الـروح الشقيـه

شعرها ليل(ن) سريته ..مـدري بليلـه سرانـي

ناعم(ن) زي الحريـر ومرتمـي زي المنيّـه

خصرها لامن تثّنـت وش يصيـر الخيزرانـي

مابقا باللين ليـن ..ومابقـا بالغـي ..شيّـه

ردفها نابـي.. مـدوّر... يابـري حالـي برانـي

لا مشت يرجع وراها تسحبـه ماشفـت زيّـه

ياحمد وأن كان ذنبي حـب.... وضـاح الثمانـي

مرحبا مليـون وأكثـر بالذنـوب وبالخطيّـه

رسمها حتى على الماء لاأشتهيت الماء ضماني

شفت صورتها على الماء وأرتوي من دون ميّه

من غلاها.. في هواها.. قمت أجـر القـاف دانـي

وأرسله ...ويّا النسايم ....للهواويه ....هديه



مانع صالح جلاب .. بدر الحزين

[فهد بن محسن]

الاخ مانع بن صالح

صح لسانك ولا هنت على هذه الابيات الرائعه

تحياتي لك

[عليل المحبه]

مانع بن صالح

صح الله السسانك على القصيده
ومضمونها . .


ولاهنت وننتظر جديدك

[مانع صالح جلاب]

المشاركة الأصلية كتبت بواسطة فهد بن محسن

الاخ مانع بن صالح

صح لسانك ولا هنت على هذه الابيات الرائعه

تحياتي لك

صح بدنك .. لا هنت على مرورك الكريم

[مانع صالح جلاب]

المشاركة الأصلية كتبت بواسطة عليل المحبه

مانع بن صالح

صح الله السسانك على القصيده
ومضمونها . .


ولاهنت وننتظر جديدك

شكرا من القلب على مرورك العذب

[تكفيني الذكرى]

مانع صالح جلاب ..

صح لسانك وتعلا شانك

قصيده رائعه كروعت شاعرها

لاخلا ولاعدم يابو صالح

[مانع صالح جلاب]

المشاركة الأصلية كتبت بواسطة تكفيني الذكرى

مانع صالح جلاب ..

صح لسانك وتعلا شانك

قصيده رائعه كروعت شاعرها

لاخلا ولاعدم يابو صالح

لشخصك الكريم ..
خالص الود
والشكر والتقدير

[مترك العمره]

شاعرنا القدير / مانع صالح جلاب

حياك الله في مجالس قبيلة العجمان

كما ارحب فيك في مجلس الشعر النبطي

حجز ولي عودة تليق بهذا النص

[مانع الهميمي]

صــــــــــــح لسانك ياشاعر
ننتظر المزيد
إلى الأمام

[محمد بن قنيفذ اليامي]

الاخ بدر الحزين
انني اتابعك من الطفوله
ولازالت ابياتك تلامس افكاري الى اليوم

والله ماحني هامتك ياحرفي العز العميد
والله ماحني هامتك ياحرف لين اقضي وطر
اما على النجم اكتبك والا ادفنك تحت الجليد
ماهو بنا ياصاحبي اللي ينقضي لوبالشعر
حرفي حياتي كلها وبمولدي الاشعار عيد
فيها المبادي والشيم والعز ماارضى ينكسر

ايها البدر الحزين لقد ظلمك الاعلام وانت من اوائل
الشعراء الذي ترنمو في الساحه بالاشجان الجميله
المليئه بالذكريات لك مني خالص الود وانا سعيد
بلقياك في هذا المنتدى