الحب رايع / وأكثر الناس ضايع ..! ( للتواصل )

[فــهــد]

.
.
.

أتت هكذا فاسمحوا لها بالمرور

للتواصل ..

صلوا على النبي



.
.

الحب ( رايع ) وأكثر الناس .. ضايـع=والبعد بلوا / جعلنـي مـا أعرفهـا ..
ياصاحبـي لـو الليـالـي .. تبـايـع=ما شفت ( قيس بن الملـوّح ) عكفهـا
سوء التفاهم .. والغضب .. والنزايـع=كرهتها / لكـن حبيبـي .. ولفهـا ..
ضايق علي / جيته على درب ( خايع )=فيه المطـر أسـلاف ساقـت خلفهـا
يافاتنٍ مانـي بـهالفعـل .. بايـع ..!=جيتك .. ولا لي فالمعاذيـر / كفْهـا ..
جيتك / بعد ضاقـت فجـوجٍ وسايـع=جيتك / بعد ليله .. طوانـي قرفهـا ..
ماني موصـف حالتـي وانـت لايـع=روّق / وخل الحال مع من وصفها ..!
ما فارق ( الجفنيـن ) سـود الولايـع=ساحت .. عيوني / وأستباحت .. ذرفها
ضايع أمنّـي .. خافقـي بالذرايـع ..=يدعيني لأشياء .. صعـب أعترفهـا..!
ليله .. بها ذكرى .. وحبر .. وودايع ..=أتذكرك .. وأتذكـرك فـي طرفهـا ..
يومي معك .. والليل .. ذيـك الوقايـع=كانـت كمـا جنّـه عسيـرٍ تلفهـا ..
وأقول لك : بوح الأحاسيـس رايـع..=بيح الخفـي .. وتقـول : إلا شرفهـا
يومك معي دلوع / حالي / ومايـع ..=كنّ السوالف ( ريش ) منهو نتفهـا ؟
لاصرت ( لايع ) شي بتقول : لا / يَـع=ولاصرت ( هاوي ) حاجةٍ / تحترفها ..
ذكرى ( وعودك ) يا رقيق الطبايـع ..=وفها .. تراها دين عالحرّ / وفهـا ..!
والحين تكفـى .. دام مابـه / نزايـع=جيتك بعقلٍ / والبشـر فـي خرفهـا..
إعرف ترا ما جيـت ضامـي وجايـع=إلا عشان أسبـاب أنـت تعرفهـا ..!
مازلت أقول إن أكثر الناس / ضايع ..=لو كان ذقت مـن الليالـي / قرفهـا ؟

.
.



مبارك عليكم الشهر



.
.
.