قصيده جديده اتمنى ان تحوز على اعجابكم

[someone]

بسم الله الرحمن الرحيم
اول شي من سنن الحياة ان ليس كل ما يشتهيه المرء يدركه
مابي اطول عليكم
قصيده معبره ولكم حريه التعليق

يــامـل عـيـن تـهـل الدمـع هـمـالـي...=تــهــل دمـع(ن)مـثـل هـمـال وسـمـيـه
عـليك يامـن سلبت القلب والحالي...=يـومـي دريـت ودمـوع الـعـيـن لــيـلــيه
ليتك تحرى عن اعلومي مع احوالي..=ليـتك تـحس ابغلاك والـنفس مـبـلـيـه
ترا الحضيض المستريح الداله السالي..=ماشاف موضـي ولا قـد سـمـع طـاريـه
ماشاف زول(ن) يسر ويشرح البالي..=دم خـفـيف ولــطـيف تــقــول حــوريــه..
اخاف وصف ويـطـول القـيل والقالي..=تـرا وصـووفـه مـع الخـفرات مـاريـه
بس الصراحه رضيت ابحكمه الوالي..=يـارازق الـي يـطـير ورازق الـحـيـه
خـلـو حـبـيبي بـثوبه يـلبـس الغـالـي...=من فـرحتـي لـه دمـوع الـعين عانـيه
ليته قريبي من العم او من الخالي..=ربـعـه مـن الـي ثلاث ارقم من كـيه
ربعي من الي نهار الهوش عيالي..=نطاحه الجيش في الروحه مع الجيه
كبيرنا الي على المثلوث نزالي..=وهـل الذلـول الـي حاموها من الهيه
يفز قلبي عليهم فزه الجالي..=بديـار غـرب(ن) ولا حوله عصابيه
ولا كما جمس ام جهز بطربالي..=روح مـن البصره عـخط الرياضيه
محمل والحمول الوان واشكالي..=من مصنعه حمله نقـص من المـيه
في حروه الجبو طفى ليته العالي..=قـده يـدور عـلى خـطوط الـجنوبيه
خط(ن) يعرفه يدله سهل وموالي..=مـاريـته ادعـس ولا طـبه ولا لـيه
ثم دق ليته وقام ايجر موالي...=يا الجمس الاحمر يعيش وعاش راعيه
ثم اشروله هل الجمسات بلحالي..=جـمـس جـديـد ولـوحاته حكـوميه
ثم نقضله ولاكن حاشه الصالي..=ونقص ويله مع الدفـرنـش مـع طـيه
ثم اطرحوبه هل البدلات بلجالي..=مـع الـكلـبشه وحطوبـه بـدوريـه
هاذى حياتي بدونك يابعد حالي...=ملعون جـد الغـلا وشلون طـاريـه
أم الحكم مدرستها وصفها حالي...=اثر الحلاء من عيونه كل صبحيه
هاذى قصيده لعينا سمح الاقبالي..=ودعتك الله ونار اشواقي لك حـيه
حظي وعرفه وكنه اشهب اللالي...=ماجرب الحب ولا قد حب عجميه
تمنيت اشوفك قبل عرسك ولا جالي..=وشوف زولك ياحي الزول ياحيه
لاجيت لبشكي شكيت ال صاحب(ن) غالي..=بشكيله الحال وبعض اشياء سريه
حيثه امعرب من العم او من الخالي..=عبدالله الي قـلـيل امـن البـشر زـيه
اليا اتكا للحمول ايشيلها شالي...=ويسهل الـصعب اليا كـثرت عزاويـه
من دون ربعه يبيع الحال والمالي...=فـول شـبابـه وكـيف لا لـحق تاليـه
هاذا بو فهاد لازاد العلم او طالي...=الله يـجـيره من العـقـبـات والسيـه
ياجعل عمره طويل طيب ومدهالي...=يـاقـاه ربي مـن الشـين وطـواريـه

[سعد بن بصيص ال فنيس]

صح السانك
والله لايهينك
وتقبل مروووري,,

[واصل بأذن الله]

صح لسانك وبيض الله وجهك وشكر خاص لك ياسعد بن بصيص

[واصل بأذن الله]

صح لسانك وبيض الله وجهك وشكر خاص لك ياسعد بن بصيص


وتقبل مروري

[محمد نادر سويد]

صح الله لسانك ياطويل العمر

لاهنت على هالابيات الرائعه

تقبل تحياتي

[محمد الغيثاني]

صح الله السانك على القصيده الجزله ولاهنت

وفي

انتظار جديدك

[someone]

سعد بن بصيص ال فنيس لاهنت على مرورك
واصل بأذن الله لاهنت على مرورك
محمد نادر سويد لاهنت وعمرك مايقصر
محمد الغيثاني لاهنت على مرورك وعلى تعديلك للقصيده
لكم ودي

[ابونايف الوعيلي]

صــح لســانكـ على الجزالــه

يعطيك العافيــة

تقبل مروري


ابونايف الوعيلي