حدث في طوارئ مشتفى الهيئة الملكية بالجبيل (منقول)

[جلمود صخر]

مساكم الله بالخير

اول شى اعتذر اذا كان الموضوع ماهو في القسم المناسب << جديد

مصيبة حصلت في مستشفى الهيئة الملكية اليوم00

هذا الخبر حصري لمنتديات الجبيل فقط00 ومن اليوم ابشروا بعزكم بالاخبار الطازه من المستشفى00

صراحة اللي حصل ما يحصل في مستشفيات الدرجة العاشرة في نيجيريا لكن بكل اسف حصل عندنا هنا

اليوم قريب الساعة 1 الظهر جت حالة طوارئ من النعيرية عبارة عن اصابة طفل عمره ما بين 9 - 10 سنوات في حادث دباب00

فيه جروح كبيرة في الخشم والعين وشق بالراس00

وش سووا له الطوارئ؟

اسعاف مبدئي واجلسوا ينتظرون الدكاترة وقت طويل لين جا امر باستقبال الحالة وتصويرها مقطعيا00

بعد ما صوروه بالمقطعي حطوه بالعناية المركزة ومر عليه الدكتور "ف" وشاف حالة الطفل وقال ما يستحق يتسوا له عمليه جراحية00 ووضعه مستقر00

والد الطفل مستغرب وماهو مصدق كلامهم قام طلب تقرير من الدكتور عن حالة الولد كامله00 واعطوه التقرير وارسله بالفاكس لمستشفى الملك فهد التخصصي بالدمام00

مستشفى الملك فهد التخصصي رد بشكل عاجل وطلب تحويل الحالة لهم بسررررررررعة لان الطفل يحتاج لاجراء عملية جراحية عاجلة00

طبعا بعد طلب التحويل من مستشفى التخصصي كان لازم الانتظار لمدة ساعتين الين جت الموافقة من احد المسؤولين بارسال الاسعاف مع الطفل للمستشفى بالدمام00

الاسعاف مشى قبل ساعة بالضبط مع العلم انه الرد عند الطوارئ من الساعة 3 ونص العصر00

والد الطفل المصاب مستاء جدا من اسلوب التعامل في المستشفى وقرر انه بيرفع شكوى على المستشفى وبيكتب بالجرايد00 بس لين يطمن على طفله بالاول00

دعانا للطفل بالسلامه انشاء الله000

[د.فالح العمره]

لا هنت يا جلمود صخر

وهذي احوال مستشفياتنا في الدول العربيه

والله يرحم الحال

[عبدالله آل عامر]

تسلم يا جلمود الصخر على النقل

الله يرحمنا برحمته

[جلمود صخر]

اول اشكركم على ها الردواد

الطيبه اللى من ها الوجيه الطيبه

وياليت يلقون حال ها المسولون اللى جلاسين فى مكاتبهم

واشكركم جدا

[ابومحمد الشامري]

لا هنت اخي العزيز جلمود المشكلة ماهيب في مباني المستشفيات ولا الاجهزة اللي فيها المشكلة في المسؤولين اللي ماهوب اهل للامانه.
جاء رجل الى رسول الله صلى الله عليه وسلم ..قال متى الساعة فقال له النبى اذا ضيعت الامانة فانتظر الساعة فقال الرجل وما ضياعها فقال النبى اذا وسد الامر الى غير أهله فانتظر الساعة" ووسد تعنى استقر

[خااااالد]

الله يفي الولد يارب وعساهم مايرون مكروه >>
والله ياجلمود لوهي على المستشفيات كان هانت بس البلا في كثير من قطاعات الدوله الله يعين >>

[جلمود صخر]

والله انه مشـــــــــــــــــكله كبيره ياناس .... ولزم
نكون عون للمريض .... لانه كل ها العالم والمسلمون يفكرون اننا
فى ها البلد وصلنا الى التكنولوجياء والطب
الصح ... ولكن ما عندي الا مثل ما قالوا الاخوان ديكور
المشكله مو فى الحكومه وال سعود الله يخليهم للبلد واهل البلد
المكشله من الطبقه اللى
تحتهم
اشكركم على المرور على هذا الموضوع اللى لزم
كل انسان يفهم الحقيقه
اخووووووووووكم جلمود صخر

[سعيّد ابوجعشه]

--------------------------------------------------------------------------------

لا هنت يا جلمود صخر

وهذي احوال مستشفياتنا في الدول العربيه

والله يرحم الحال

[جلمود صخر]

اشكرك على مرورك يا العرجاني
ويعطيك الف عافيه يارب

[عاشق العليا]

عادي جداًهذا الحال من زمان
ولاراح يتغير