أبالجيش في قصيدته ( يا صلاتي على النبي )

[محمد بن حمدان المالكي]

استوقفتني قصيدة عذبة للشاعر العذب عبد الرحمن أبالجيش العجمي فأحببت أن تقرأوها وتستمتعوا بأبياتها العذبة ، راجياً أن تكون هذه القصيدة بذرة لتأسيس ديواناً لهذا الشاعر في هذا الموقع خصوصاً وأن الشاعر ينتمي لهذه القبيلة العريقة ..

يا صلاة النبي

خافي الله فيني واكسبي لك ثواب =وامسحي فوق صفحة مهجتي واكتبي
عايشٍ في نعيم وعايشٍ في عذاب =من يسلم عليك وقلتله وش تبي ؟!!
نظرةٍ من عيونك مثل شلفى ذياب = المنيه سبب وانتي تراك اسببي
يا سحابة دبي ارخي علينا السحاب = قطرةٍ منك تكفي يا سحابة دبي
انتي ما فيك خصله من خصالك تعاب =يا صلاة النبي ويا صلاة النبي
من تمره تغنج راح فيها وذاب =طاح وانهارت اعصابه وقام يحبي
تدري إن كلنا عوجٍ عليك الرقاب =خص أنا كل ما شفتك تصاك اركبي
والله إن دمعتي يومك نويتي الغياب = ما سوت ضحكةٍ فيها فتلت اشنبي

للشاعر المتألق والأنيق
عبد الرحمن أبا الجيش العجمي

[محمد الشامري]

محمد المالكي

ارحب

وصح الله لسانك ولسان الشاعر عبدالرحمن ابا الجيش ( شاعر الشرق )

واحب ابشرك ان فيه لنا لقاء معه قريبا ان شاء الله

ولاهنت على النقل يالسنافي

[محمد بن حمدان المالكي]

أخي الشامري مشكور على الزيارة الكريمة
لك كل التقدير
وشاعر الشرق
يستاهل الاحتفاء
ولكن اشوف الموقع غير مهتم بشاعرهم عبد الرحمن ابالجيش العجمي
سواء بنشر قصائد له
أو بإجراء لقاء مطول يحكي فيها عن تجربته
مشكور أخي الشامري

[بدر العرجاني]

المالكي

بيض الله وجهك على نقل هذه الرائعة للشاعر الجزل أبا الجيش

والموقع أحيانا قد ينشغل أصحابه والقائمين عليه ببعض الأمور المهمه التي لا تدع لهم الفرصة لكثرة اللقاءات وأحيانا يكون الإنشغال والإرتباط من الطرف الآخر (الشاعر نفسه)

ولكن مثل ما وعدك الأخ محمد الشامري سوف يكون هناك لقاء قريبا إن شاء الله مع الشاعر عبدالرحمن أبا الجيش

أشكر لك إهتمامك يالمالكي بالشعراء

[حـــوران]

تدري إن كلنا عوجٍ عليـك الرقـاب=خص أنا كل ما شفتك تصاك اركبـي
والله إن دمعتي يومك نويتي الغيـاب=ما سوت ضحكةٍ فيها فتلت اشنبـي

صح لسانه ولاهنت يامحمد على النقل الجزل

وان شاء الله نشوف له لقاء قريبا ً

[المتفائل دوم]

محمد بن حمدان المالكي أحسنت في النقل
والله لا يهينك عالأختيار

وأخي محمد الشامري طال عمرك ياليت لو تكتب عنوان اللقاء الي راح يصير لبني عمي , أو اني تأخرت في الرد . قد صار ؟؟

[سعود الخويطري]

الله الله


صح الله لسان الشاعر المبدع / عبدالرحمن ابالجيش



ولاهنت يالمالكي محمد وتسلم يمينك



وان شالله قريبا نرى اللقاء في المنتديات



وتقبلوا سلامي واشواقي