السلام عليكم ورحمة الله وبركاته
من روائع الشاعر فلاح بن مبرد الحميداني المطيري
ياوجودي وجد منهو فقد عـزه =عقب ماهو حاكم صار محكومـي
أو وجود اللي براس القنا كزه =واحدٍ بالكون محرج ومزهومـي
التوجـد كلمـةٍ مالهـا مـزه =بس للعشاق يقضي بهـا اليومـي
واحدٍ مثلي لطيف الحشا هـزه =هز بركان الزلـزال لمزمومـي
نوم عيني مايجيها على الحـزه =لي ليـالٍ ماتهنيـت فـي نومـي
سلت الخنجر على الكبد مرتزه =من عيونٍ ترسل الموت بسهومي
رمشها جيش حرب والعلم رزه =جيش روسي بالصواريخ مدعومي
حط قلبي مثل مستعمرة غـزه =أمرها من وعد بلفور مرسومـي