ضيدان ابن قضعان

[محمدالحويله]

انقل لكم مجاراة شاعرنا الكبير ابو منصور التي اتشرف ها لاحد قصائدي
ياصبرحالي على فرقاه ياصبره ياجعل من حال دونه ربي ايحوسه

يقول ضيدان ابن منصور اخـو صبـره=في راس مطلـول والريعـان محروسـه
متهيضٍ مـن ضحـى وتغصـه العبـره=ويردهـا مـن ورا الحنجـور منكوسـه
والعصر شرف وكسـره ماكمـل جبـره=وامسا كسيـر الجبـاره غـاديٍ حوسـه
حاديه صـوتٍ لبـن عـمٍ نفـذ صبـره=يلعب به الريح مـن غربـه ليـا كوسـه
قرمٍ علـى شبـر غيـره زايـدٍ شبـره=لكن هوى البيض يمكـن كنـه السوسـه
يابـن حويلـه محمـد والهـوى عبـره=ومن لااعتبر من بهامه مكـن ضروسـه
وراعي الهوى لو تقـول النـاس ياكبـره=يصغر ويشفق علـى الميقـاف والبوسـه
وكن ناصحينـه يسوقونـه علـى قبـره=ومسامعه عـن كـلام النصـح منفوسـه
يابن حويله ترانـي مـن هـل الخبـره=برسم لك الخـط والاوضـاع مدروسـه
وان طعت ضيدان ابن منصور اخو صبره=ان ماخـذاك الهـوى ماخـذت ناموسـه

[الشيخه]

صح اللسان ابو منصور ولا هنت يابن حويله

شاكرين لك المبادره الطيبه

تقبل منى خالص التحيه

[راشد العتل]

صح لسان من قالها ونلقلها
لاهنت يابن الحويله

[مستغنيه]

صح لسان من قالها

وتسلم أيدين من نقلها

ولك حياتي قبل تحياتي

[بدر العرجاني]

صح لسان من قالها

وتسلم أيدين من نقلها

[العطيب]

بيض الله وجهك
على النقل الاكثر من رئع

[فهد بن محسن]

الاخ محمد الحويله

لاهنت على النقل الطيب

وصح لسانك ولسان ابو منصور

تحياتي لك

[أبو ناصر]

صح لسانك ولسان ابو منصور

ولاهنت يابن حويله على النقل

وانت شاعر جزل ومجاراة ابو منصور لك أكبر دليل

[حبيب]

صح السانك يامحمد والسان ضيدان

قصيده جزله ومجاراة ابو منصور تدل على جزلة قصيدتك

لاهنت يامحمد تحياتي

[دااانـــه]

صح لسانك ولسان قايلها

تحياتي
دانــــــــــــــــــــه