قصيدة خطيبة لخطيبها الذي تعرض للأسر خلال الغزو العراقي على دولة الكويت...
الى متى؟؟؟؟
فارقته ابلا وداع وليتني ادري....
بغيابه اللي نوتني به مقاديره.....
لاشك لو هو بوده مانوى هجري....
ماهو بكيفه وقبله راحت الديره....
خذوه اسير وخذوا مع فرحتي عمري.....
حتى ربيع العمر ماتت عصافيره...
سموه اسير وتسبب بعده بأسري.......
الى متى بأنتظر؟؟ياعلها خيره...
كل العمر وش يساوي لو على يطري...
منظر خويه مخاوي صاحب غيره...
والا اصغر اخوانه غدت طفلته تجرى....
والا امه ودمعها لا جيب له سيره...
والآآآه لامن ذكرته تنبض بصدري.......
يومه يقول السعد بانت تباشيره.........
ولاباقي الا شهر وتكوني بأمري...
حليلة لي عقب هالبعد والحيرة.......
أبكيه...واللي يهد الحيل في صبري.....
الذكريات وحكايا الحب والغيره...
أرفض اكون لغيره أكون ولكن أيش عذري....
وانا المح بكل عين مانتي صغيره....
ليته قبل مايفارقني حفر قبري...
أكون للقبر أهون من حضن غيره....