سلطان الهاجري : حسبي الله عليك ياضيدان

[فهد بن محسن]

الاخوة الكرام اعضاء مجالس العجمان .. اسعد الله اوقاتكم بكل خير .. هذه المحاورة قيلت قبل عدة ايام بين عملاقين من عملاقة الشعر النبطي ,, الشاعر \ ضيدان بن قضعان ,, والشاعر \ سلطان الهاجري .. فاحببنا ان تطلعو عليها ,, لانكم تعشقون كل غالي ,, وتستاهلون كل غالي ,, ومنكم الكثير من جمهور الشاعرين .. فلكم هذه الابيات .. وبعض الحوار الذي دار بينهم


ضيدان يقول علاقتي مع سلطان الهاجري كانها علاقة الدول مع بعضها البعض .. ولكن علاقة الدول تحكمها التقلبات الساسية بينها البين والمصالح ,, وعلاقتي مع سلطان .. تحكمها (( ألأرياء العمي )) وقلة السنع ..

ويرد الشاعر سلطان الهاجري ,, ويقول ليتك كفيتني شرك ياضيدان ,, ماوراك الا المصايب والعذاب

مرحبا في حلة دونها عشرين باب = والمراوح فوقها والهبوب تفرها
الحرار اللي مواكيرها روس الهضاب= حولت في نقرة مايقاوم حرها
والبقا يالصاحب اللي ماوراه الا العذاب = والجريره حسبي الله على من جرها
صاحبي ضيدان غرب ولا ادري وش جاب = يوم حصل خيرها ماكفاني شرها
مايبرك للحمول الثقال الا الركاب = احتمل وجنود الاسلام لله درها
وان سرى ثلثين ليلك ونجم الجدي غاب = سل عيوني ليش حلو الكرى مامرها
الفخر والعز بين الثرياء والسحاب = والمطر لو مايضر الدير ماسرها
مير قلي وش فرق المشالح والثياب = ان سبحت بحرها وان مشيت برها
فرقها فرق ازرق الماء على لمح السحاب = والسراب يوهق الضاميه ويغرها
والبلا من شعلة ماحسبت الها حساب = واحد منا قدحها والاخر كرها
مابقي في حوض الاجرب طعام ولا شراب = والجنوب من الجرب كل ليل يعرها
لاتعاتبني عليها خطا ولا صواب = في ذرى روس ماطرا الهوى نعترها

تحياتي لكم جميعا