يقوووووووووول
ياونتي ياوجودي بالتوجاد = وجود من ربعنا حاسو مريره
عقيد سربه له تاريخ وشداد = ولي التوا بالخصم يلعن مصيره
غزى يبي يكسب من أبل آل فهاد = ولحقوه بمات تاج أن القصيره
لكد وهو عادته يوصل المراد = لكن ماله بذاك اليوم خيره
جلس له مشبب لامدها صاد = بتر اعضوده وطاح وهي مغيره
ينخا ويزهم بني عمه ولافاد = قفا رديفه وربعه مستنيره
ربعه مداغيش قوم اقروم وجياد = لاشك طاحو بنار مستطيره
طاحو بربع لهم تاريخ وامجاد = لا لحقو البل فعايلهم مثيره
الطق جا في الهجن وارقاب الأجواد = والكل منهم قعد يلعن شويره
بين الشغايا وخشم العان منقاد = غرب العلم والمهاضيب الكبيره
في سهلةٍ يهتويها كل وراد = وراد حوض المنايا يرد بيره
تواجهو عندها قشعان الأولاد = وردت وصارت على الغازي كسيره
عقيدهم ذبح معه اضماد وافراد = واللي بقا راح عجل في مسيره
ذا فعل ربعي وانا ماني بنشاد = حمايت الدار والبل بأي ديره
لامن تعزوو بها في حرب وجهاد = ماردهم جمع فرسان الجزيره
مثل قبيان فارس يام الأسياد = فارس فوارس زيزوم العشيره
يوم الخليف اعتزاء وبراسه عناد = يعجبه ضرب السيوف اللي شطيره
بظهورهم كل مازاد الوغا زاد = لوهم كثيرين ووجيه شريره
وبليه خيال لونطح بن شداد = صده وحده ورده للعثيره
مطنوخ مقدام بالكربه وبشاد = لالحقها ردها يوم الجريره
شواش هواش بالميدان لكاد = يلكد ملاكيد خالد والمغيره
هذا وجودي على مركوز الأنهاد = الصاحب اللي ترى مالي بغيره
أنشهد انه حداني منه الأبعاد = يابعد داره علي ياخو منيره
والجامبو لاقلعت تدنيه وش عاد = اطول مسافه تخليها قصيره
كن حسها في المدرج حس رعاد = في قنف صيف قفته المستثيره
طيارها كابتن ماينطق الضاد = امبيك قبل يقلع كاس بيره
لا تلها قدم وافتر العجل زاد = عدادها قلت حر في مطيره
كن زقمها زقم ييم انيابه احداد = في جوفه السم لدغاته خطيره
كم وصلت من غريب ونازح بلاد = وكم بعدت من عشير عن عشيره
فيها المثلي مرام وشف ومراد = لأني بعيد ولي مده كثيره
والله ماعاد لي في مصر مقعاد = مليت واشتقت لبلادي واميره
أبغى الكويت ارضي ارض اهلي والأجداد = حكومه وشعب وتراب وبحيره
فيها مداهيلنا سملات وجداد = حنا اهل الأوله ماهي الأخيره
محمد بن غريب الفهادي