~*¤ô§ô¤*~ اسمحيلي يا الغرام~*¤ô§ô¤*~

[بنت ابيها]

"بسم الله الرحمن الرحيم"
السلام عليكم ورحمة الله وبركاته،،،

~*¤ô§ô¤*~ اسمحيلي يا الغرام~*¤ô§ô¤*~

اسمحيلي يالغـرام العف يالوجـه السموح = ان لزمت الصمـت او حتى لبست الاقنعـه
اعترف لك ما بقى من عالي الهمـه سفوح = انحـدر كلي كمـا طفلـن تحـدر مدمعـه
آه ياجور الحزن وياي وفي الفرحه شحوح = ضايعـن بهمـومي الغبرا بوسط المعمعه
اشتكي لوسادتي دنيـاي واسمعها تنـوح = كنها بعضي و بعضي ويـن هو منهو معه
مختلط في عبرتي حبر الشقا ودم الجروح = ومستوي في نظرتي غرب الوجود ومطلعه
عودي المبري بقابه من بقايا الوقت روح = وفصل خامس حايرن بين الفصول الاربعه
راس مالي ذكريات وحلم وآمـال وطموح = لا صديـق ولا رفيـق ولا طريقـن اتبعه
سامحيني دام عذري واضحن كل الوضوح = واسمحيـلي بالرحيـل بلا تذاكر وامتعـه

أسير الشوق: الامير نواف بن فيصل