اغلى من فقدته ...!!

[كاسب الطيب ..َ]

السلام عليكم ورحمه الله وبركاته ..

مساكم ورد / وصباحكم محبَه وشـوق

أجمل ما قريت وسمعت ... و مابغيت انزلها بخلت عليكم

من جمالها ودي اسمعها .. لـ حاليَ

لـ المبدع .. مشعل الزعبيَ



[ قـالـوا لي ]

"

قالوا اللي من نظرك قراب من قلبك قراب
قلت اجتهاد احترمه , وماكل مجتهد مصيب

هذا انت يامذوقني انواع العزاير والعذاب
ياقربك لقلبي لو انك منت من عيني قريب

مير الله يهون علي ليل السهر والاكتئاب
من جبت طاريك العصر , وانا ادري ان ليلي كئيب

ياللي خذيت اغلى حروفي , واجمل ايام الشباب
واعطيتني زفرات ماتبرد لجرحٍ مايطيب

مدري سباني مشيك اللي فيه من مشي السحاب
ولا تمايل خصرك اللي كنه الغصن الرطيب

ولا جدايلك اللي احتضنت كتوفك بأنسياب
ولا خدودٍ لونها , لون السما عند المغيب

بس المهم ان عقلي اختارك , وقلبي فيك ذاب
تعددت الأسباب وانت المبتغى وانت الحبيب

بعدتني عن ناسي وحببتني فالاغتراب
وراحت لياليي وانا لجل غرورك , غريب

واثرني مقضي ثلاث سنين وانا اطرد سرابك
ودي بدنيا طموحاتي ولا ادري وش تجيب

من قبل لا انت تغيب وانا عارف اسباب الغياب
فلا تتعذر بالظروف ولا تتحجج بالنصيب

اسمعني باقول لك , قبل التشرّه والعتاب
ياللي تمكن فيه حبك جعل ما للحب صيب

وانت تعرفني زين , قبل الولع والانجذاب
احب اقول الحق مع انه ماخلا لي صحيب

قبلك , ماشاركني السهر غير التأمل والكتاب
وعقبك يروح الليل بين الوجد والدمع السكيب

فلا تحسب اني ماحسب لغيبتك عني حساب
الا توتر وانفعال وبري حال وفري جيب

فإن شفتني قادر على البسمه , وواقف بإنتصاب
العود يشكي من لظ الجمره وعند الناس طيب

وماهو عجيب اني فبعدك بين لوعه وانتحاب
لكن تزايد حبك في قلبي رغم بعدك , عجيب

محتاج لك , مثل احتياجي للطعام وللشراب
ومشتاق لك , مثل اشتياق البدو للخد العشيب

ورغم اللي سويته وبتسويه ياعالي الجناب
احبك وحبيتك وببقى احبك لو تغيب

ولو فتحت في وجهي ابواب السعاده باب باب
دونك , بظل انادي احساسك لعلّه يستجيب

ماقول , سلّت غيبتك حالي وشعري منك شاب
لكنك اغلى من فقدته , جعل ماتفقد حبيب
"

YouTube

[هادي بن فهاد]

تسلم يمينك على الإيراد وصح السان شاعرها

[ناثرة الورد]

قصيده روووعه بـ بساطتهاا
وبـ معانيهاا ..!


يعطيك الف عافيه علي هالنقل المميـز ~

[ليــه يازمـــن]

اختيـــار رائــع

وصح الله لســانه

والله يعــطيك العــافيه

[الغروب]

كاسب الطيب

احسنت الاختيار

وصح لسان شاعرها .

[نيَـة فراق ..!]

الله الله يا كاسب الطيب

[ انتقاء فارق ] ..!

صح لسانه .. ولاهنت

تقبّل تواجدي هنا

[][ .. خــجــل .. ][]

ياقربك لقلبي لو انك منت من عيني قريب
ياقربك لقلبي لو انك منت من عيني قريب
ياقربك لقلبي لو انك منت من عيني قريب


/
\
/

يا حلوها !
مبدع في اختيارك يا كاسب


يعطيك العافيه

[العليا]

اغلى من فقدته ...
اغلى من فقدته ...
اغلى من فقدته ...


لاهنت على الأختيار الرائع ..