شيــــخ شمــــــل قبائــــــــل بللحمــــــــــــــر ابـــــــن محيـــــــــــــــا

[كريم الأصل]

السلام عليكم ورحمة الله وبركاته

أعزائي أعضاء مجالس العجمان الكرام

أحببت أن أنقل لكم هذه القصيده في شيخ شمل قبائل بللحمر ومقدم رجال الحجر ابن محيا

للشاعر ناصر الأحمري

يالهجوس استرسلي والعلم شاره=عا دةٍ لك تسمعيـن ان قلـــــــت هيّـا
الله الله شنّـت القيفـان غــاره=غارةٍ من صقر ماهي مـــــــن حديّـا
اتنقّى في الكـلام اطيـب خيـاره= واتمـثّـل واتـطـــــــــــــــــرّب واتهـيّـا
فرض عينٍ من لوازمه الطهـاره= فـي كتـاب الله ولا فيهــــــــــا مليّـا
مايبي نشده وركعـات استخـاره=ا لقصيد اللـي بمنصـــــــــور المحيّـا
سيدي والحـرّ يفهـم بالاشـاره=وا نت حـرّ ميـر مافيهـــــــــــــــا كنيّـا
ماحجب نور الشعور اكبر ستـاره=كيف وانت اللي تزيد النــــــور ضيّـا
راس مالـي والفوايـد والتجـاره=شوفتك عساك تبطـــــي وانـت حيّـا
شيخنا للطايلـه يسـرج مهـاره=وان نزل شوفه تحـــــت شاف الثريّـا
وارثٍ المشيخه ماهـي استعـاره=مثل النور الشمس مافيهــــــا غبيّـا
الله اللـي ميّـزه واعلـى وقـاره=وا عتلى شانـه مـع هـــــــــذا وذيّـا
كلمته تمشي ولا نعصـى قـراره=ويعطي الراي السديـــــــد ولا تعيّـا
ماحرف عن طاعة المولى مساره=و ما انشغل بالـه بلــــــــذاتٍ وغيّـا
فوق هذا ماطفت في يـوم نـاره=كم وكم في مجلسه رحّـــب وحيّـا
بالضيوف اللي تعنّو لـه زيـاره=وا لطراقيّـه وبأصحـاب الشـــــــكيّـا
وكل من جابه سنا نـور المنـاره=كل هم عقب الظمـا يلقـــــــون ريّـا
مجلسه مفتوح ليله مـع نهـاره=وما يقوله يفعلـه ماهــــي حكيّـا
ان عطت يمناه ماتـدري يسـاره=الله أكبـر دمـت يالكـــــــــف النديّـا
وان حصل في الوقت لفّه واستداره=في النهار اللي تبين بـه الحـــميّـا
كل موقف تصغـر بعينـه كبـاره=ثبّته مـن يطـوي الايـام طيّــــــــــا
ينتصر منصور ونشوف انتصـاره=وينكو ي من عانده بالجمـــــــر كيّـا
شيخنا يرفـع عصـاه وباقتـداره=وكلنا فـي فيّـة الشيـخ نتفيّـــــــا
والمعذره منـك يانمـر النمـاره=من قصور لساني وقصْــــــرة يديّـا
اتقـدم تـارةٍ واعــود تــاره=المشاعر من هنـاك اليـــــا هنيّـا
كل قافٍ مانثنـى لجلـك خسـاره=وان مدحت سواك عـيّا القاف عيّـا
مابقى عندي يكون اوضح عبـاره=وا نت مغنيك الولــــي عنهـا بليّـا
من هو اللي قد جمع شيخه واماره=ماجمعها غيـر منصـــور المحيّـا

[مسعطر]

و إن حصل في الوقت لفّه و إستداره=في النهار اللي تبين بـه الحميّـا
كل موقف تصغر بعينـه كبـاره=ثبّته مـن يطـوي الايـام طيّـا
ينتصر منصور و نشوف إنتصاره=و ينكوي من عانده بالجمـر كيّـا
شيخنا يرفـع عصـاه و بإقتـداره=و كلنـا فـي فيّـة الشيـخ نتفيّـا
و المعذرة منـك يا نمـر النمـارة=من قصور لساني و قصْـرة يديّـا
آتقـدم تـارة ٍ و اعــود تــاره=المشاعر من هنـاك إليـا هنيّـا
كل قاف ٍ ماأنثنى لجلـك خسـاره=و إن مدحت سواك عيّا القاف عيّا
ما بقى عندي يكون أوضّح عبـاره=و أنت مغنيك الولي عنهـا بليّـا
من هو اللي قد جمع شيخه و إماره؟؟=ما جمعها غيـر منصـور المحيّـا

كفوووووو و يستاهل
و نعم بك اخي كريم الأصل و بابن عمك الشيخ منصور المحيـّا ..
و أرى أن الشاعر بالغ قليل في الشطر الأخير من البيت الأخير ..
و هذا من غير إستنقاص في ابن محيا ...


تقديري و إحترامي ..

[كريم الأصل]

حياك الله أخوي مسعطر

مرورك شرفني

والمعنى في بطن الشاعر

[الرحال2006]

لا هنت ع النقل
والله يعطيك العافيه