ياليتهم باالحب ماولعوني ؟!

[قمة طويق]

ياجـــر قلبـي جـــر لـــدن الغصـــون *** وغصون سدرٍ(ن) جره السيـل جرا واهله مـن اول بالورق يورقونـــــــي *** على غديــرٍ(ن) تحتـه المـاء يقـرا على الـلذي مشيـه تخـطى بهونـــــي *** والعصر من بيـن الفريقين مـرا لا والله اللــي بالهـوى هوجرونــــــي *** هجر بـه الحيـلات عيـت تسـرا لا مبعـدٍ عنـهـم و لا قربـونــــــــــــــي *** ولا عايـف منهـم ولانـي مـورا واكثر عذاب القلب يوم سنوحونـــــي *** بيـح بصبـري لـو بغيـت اتـــدرا لا ضاق صدري قمت اباري الظعوني *** كنـي غريـر بالدلوهـة مـضـرا وقلبي عليه اشفق وتبكي عيونـــــــي *** والحـال مـن ود الحبيـب تـبـرا يا عزتالي مـن تفـرق شطونـــــــــــي *** يعـزا لي ارمـي بالسلـب واتعـرا ان مت فـى خـد بعيـد انقلونـــــــــــــي *** على هـدي الزمـل مشيـه تـذرا ان مت فى دافي حشـاه ادفنــونــــــي *** فى مستكن الـروح مهـوب بـرا بين النهـود وقـد روس القرونــــــــي *** عـن الهبايــــب مستكـن مــذرا ياليتــهـم بالحـب مـا ولعـونــــــــــــي *** كان ابعـدوا عنـي بخيـر وشــرا والا انهـم يـوم انهـــــــــم ولعـونـــي *** خلونـي اقضـي عازتـي واتـــذرا وياليتهم فى الدرب ما واجهونـــــــي *** وياليتهـم مـا زادوا الحـر حــرا وياليتهم عـن حاجتـي سايلونـــــــــي *** يوم انـي اقعـد عندهـم واتحـرا وياليتهـم مـن زادهـم اطعمونـــــــــي *** انـا علـى زاد اليتـيـم اتـجــــرا الخـــد بـرق فـى علـو المزونـــــــــي *** تقول بـراق مـن الصيـف سـرا وقفـت عنـده شايحـات عيونــــــــــــي *** كنـي غريـر بـا للهاوي مضـرا لامست الوجد ... لـــ الشاعر ... دخيل الله الدجيما ,,

[محمد بن ناصر الغفيلي]

هجينية من أشهر القصائد الشعبية
وسلم ذوقك الي أمتعنا بمثل هالقصيدة الروعه

ولاهنتي عليها وبيض الله وجهك اختي قمة طويق


تقبلي مروري

[قمة طويق]

لاهانت دنياك ولياليك اخوووي ,,, وسلامة الآسفار ,,
كن بسعادة وطاعه ,,,

[المااسه]

رووووعه
صح السان شاعرها
ولاهنتِ ويعطيش العافيه يالغلا . .

[مليحة العجمان]

صح لسان قايلها ولاهان ناقلها

[الفارسيه]

الكلمات الجميله كالجواهر الثمينه تضل دائم لامعه