..... النـــــادرة .....

[حبيب]

محمد العرجاااني اول شي اسمحلي على تثبيت القصيده


صرااااحه يامحمد ابدعت والله العظيم ابدعت القصيده تستحق القرأه مره ومرتين وثلاااث

صح اللساااااااااااااانك مليووووووووووووون


ولا يكفوووووووووووووووووووووووووون


وتقبل تحيااااتي

[أبو ناصر]

	بسم الله أبدأ كلمتى ودعائي =مسقي الفيافي المقفرة بالمائي من عقب ماهي جرداءٍ ترجي القطرة=اليوم كنها دوحةٍ غنائي فالحمد له والشكر له والمنة=جزل العطية صاحب النعمائي الواحد الفرد الصمد سبحانه=إللي من آدم خالقٍ حوائي الله خلق ناسٍ تعز الصحبة= وتوفي لصاحبها بغير جزائي فبعض الصحاب لا جاء وقت الشدة=بانت مراجلهم بدون ريائي وبعض الصحاب لا جاء وقت اللازم=تقلبوا بعد الغلا أعدائي والله خلق في الناس رجلٍ فاهم=دومٍ ترى ممشاه للعليائي والله خلق بعض الرجال بهيمة=ما يعرف العدلة من العوجائي فسبحان ربٍ خالقٍ أضدادٍ =ما تلتقي لو تلتقي الأنوائي يا صاحبي والنار حولي شبت =وأستوطنت قلبي وكل أحشائي بأسباب دنيا غادرة دوارة=فيها الوفاء أصبح كما العنقائي فيها الوفاء أصبح بضاعة بايع = تعرض ولا يلقى لها شرائي من بعد ذا يا غايتي وش لك به=أنتي الدواء لي وأنتي سبة دائي وأنت السعد وأنت الهنا والراحة = وإن كان لي شقوة فأنتي شقائي لبى جبينك إلا كشف لي برقه=يفضح سناه الغطوة السودائي و لبى عيونك إلا أضحكت من أجلي=يا ام العيون الخدرة الدعجائي و لبى قوامك إلا أنثنى لي عوده=كني ملكت الكون في يمنائي و إن دكني ليل الشعر في لحظة=من وهج خدك أستمد ضيائي وإن كان جمر الشفة أحرق خدي=فثلج الثنايا بلسمي ودوائي وإن كان برد الليل أشقى روحي= فأرجوك في حضنك تلم أشلائي ياللي وصوفك نادرة ما توجد=وبين البنات أنتي كما الجوزائي ياالنادرة حسنك عسير وصفه= ولو زدت في مدحي وفي إطرائي يا النادرة في كل شي حتى = في فن تهميشي و فن إقصائي قلته وأنا بالحب رافع راسي = لا الحب ولا غيره يجيب أقصائي فأنا سلالة لابة ما تقهر =أفعالها تذهل عيون الرائي مجد قديم و حاضر متجدد=صبيان يام ذيابة الهيجائي وقد قالها ضيدان قبلي وأبدع= في وصف ربعه ضياغم آل عرجائي إني لمن قومٍ يعز عليهم =قتل الرعاة ودمعة الحسنائي وإني لمن قومٍ تجير دخيلها= وتاقف معه في الضر والسرائي قبيلة تملكت مجد الشرف والشهرة= من ألف باء المجد إلين اليائي الله يعز رجال يامٍ كلهم= ويغفر لميتهم وللأحيائي وختامها صلوا على هادينا=راعي الرحول إللي إسمها القصوائي

صح السانك عزالله انها قصيده جزله وبغيت اختار لي بيت او اثنين واحترت ونقلت القصيده كامله

لاهنت يامحمد

[العرجاني محمد]

صح الله بدنك يابدر القلوب وبيض الله وجهك والله يطول عمرك ولا يهينك على كلامك إللي يشرح الصدر .... ألف شكر ياالقرم على مرورك الجميل

[العرجاني محمد]

إبن وعيل حياك الله ياالسنافي وصح الله بدنك والله لا يهينك على المرور الجميل

[العرجاني محمد]

صح بدنك ملياااااااااار ياابومحسن والله لا يهينك على المرور والكلمات الجميلة ,, نورت القصيدة بمرورك ياالذيب

[العرجاني محمد]

يا هلا ويا مرحبا يا حبيب ,, ومشكور ياالغالي على تثبيت القصيدة والله لا يهينك ويطول عمرك ...

[العرجاني محمد]

حياك الله ياسمو الأمير تشرفت القصيدة طال عمرك بمرورك ولي الشرف ياالقرم إنها أعجبتك ,, والله لا يهينك على مرورك الجميل

[اسيره]

أشهد انهــا نادرة ...

تسلــــم يمينـــــك ...ملايـيــــــن

ويسعدني انتظار جديدك

شموخ العز

[العرجاني محمد]

شموخ العز تشرفت وتعطرت القصيدة بمرورك ياالسنافية ,,,, ومشكورة على مرورك الرائع

[العفيفه]

بصراااااااااااااحه...مادري وش اقول..خانني التعبير زي مايقولون.. من احلى القصايد الي قريتها
صح لسانك اخوي محمد والله يعطيك الف عافيه