..... النـــــادرة .....

[العرجاني محمد]

السلام عليكم ورحمة الله وبركاته ,, مساكم الله بالخير جميعا ...

هذه قصيدة على وزن وقافية الشاعر المشهور الغيهبان المري,, وأتمنى أن تحوز على رضاكم..

	بسم الله أبدأ كلمتى ودعائي =مسقي الفيافي المقفرة بالمائي من عقب ماهي جرداءٍ ترجي القطرة=اليوم كنها دوحةٍ غنائي فالحمد له والشكر له والمنة=جزل العطية صاحب النعمائي الواحد الفرد الصمد سبحانه=إللي من آدم خالقٍ حوائي الله خلق ناسٍ تعز الصحبة= وتوفي لصاحبها بغير جزائي فبعض الصحاب لا جاء وقت الشدة=بانت مراجلهم بدون ريائي وبعض الصحاب لا جاء وقت اللازم=تقلبوا بعد الغلا أعدائي والله خلق في الناس رجلٍ فاهم=دومٍ ترى ممشاه للعليائي والله خلق بعض الرجال بهيمة=ما يعرف العدلة من العوجائي فسبحان ربٍ خالقٍ أضدادٍ =ما تلتقي لو تلتقي الأنوائي يا صاحبي والنار حولي شبت =وأستوطنت قلبي وكل أحشائي بأسباب دنيا غادرة دوارة=فيها الوفاء أصبح كما العنقائي فيها الوفاء أصبح بضاعة بايع = تعرض ولا يلقى لها شرائي من بعد ذا يا غايتي وش لك به=أنتي الدواء لي وأنتي سبة دائي وأنت السعد وأنت الهنا والراحة = وإن كان لي شقوة فأنتي شقائي لبى جبينك إلا كشف لي برقه=يفضح سناه الغطوة السودائي و لبى عيونك إلا أضحكت من أجلي=يا ام العيون الخدرة الدعجائي و لبى قوامك إلا أنثنى لي عوده=كني ملكت الكون في يمنائي و إن دكني ليل الشعر في لحظة=من وهج خدك أستمد ضيائي وإن كان جمر الشفة أحرق خدي=فثلج الثنايا بلسمي ودوائي وإن كان برد الليل أشقى روحي= فأرجوك في حضنك تلم أشلائي ياللي وصوفك نادرة ما توجد=وبين البنات أنتي كما الجوزائي ياالنادرة حسنك عسير وصفه= ولو زدت في مدحي وفي إطرائي يا النادرة في كل شي حتى = في فن تهميشي و فن إقصائي قلته وأنا بالحب رافع راسي = لا الحب ولا غيره يجيب أقصائي فأنا سلالة لابة ما تقهر =أفعالها تذهل عيون الرائي مجد قديم و حاضر متجدد=صبيان يام ذيابة الهيجائي وقد قالها ضيدان قبلي وأبدع= في وصف ربعه ضياغم آل عرجائي إني لمن قومٍ يعز عليهم =قتل الرعاة ودمعة الحسنائي وإني لمن قومٍ تجير دخيلها= وتاقف معه في الضر والسرائي قبيلة تملكت مجد الشرف والشهرة= من ألف باء المجد إلين اليائي الله يعز رجال يامٍ كلهم= ويغفر لميتهم وللأحيائي وختامها صلوا على هادينا=راعي الرحول إللي إسمها القصوائي

وســـــــــــــــلامتكم

محمــد العرجاني

[محمد الشامري]

الله عليك يا السمي

قصيده اقسم بالله لك انها من افضل ماقريت

كتبت فأبدعت

صح الله لسانك ولاهنت يابن عرجاااااااااا

[فيصل بن محمد]

اشهد انها قصيده توقف شعر الراس قصيده جنونيه وسبعة انعام في ال عرجاء ويام كلهم

[الشهري]

وإن كان جمر الشفة أحـرق خـدي
فثلـج الثنايـا بلسـمـي ودوائــي

القصيدة والله تعجب الحالم بس البيت ذا اشهد انه لحاله
سلمت ياصبي العرجا وسلموا قومك

الشهري

[بدر القلوب]

صح لسانك مليووووون
بيض الله وجهك واشهد بالله انك بحر في الشعر

والله خلق في النـاس رجـلٍ فاهـم
دومٍ تــرى ممـشـاه للعليـائـي

والله خلق بعـض الرجـال بهيمـة
ما يعرف العدلـة مـن العوجائـي
اشهد انك صورت فابدعت

شاعر يامحمد وقصيده جزله لايقولها الا محمد العرجاني

اخوك بدر القلوب

[ابن وعيل]

صح لسانك يامحمد قصيدة رائعة وجميلة بكل ما تحمل الكلمة من معنى .

[العرجاني محمد]

يا هلا ويا غلا بك ياابن شامر ,, الإبداع طال عمرك هو مرورك الجميل وكلماتك الرائعة

[العرجاني محمد]

حياك الله يافيصل بن محمد ,, ماعليك زود يالسنافي ... تشرفت القصيدة بمرورك طال عمرك ..

[فهد بن محسن]

	قلته وأنا بالحب رافع راسي = لا الحب ولا غيره يجيب أقصائي فأنا سلالة لابة ما تقهر =أفعالها تذهل عيون الرائي مجد قديم و حاضر متجدد=صبيان يام ذيابة الهيجائي وقد قالها ضيدان قبلي وأبدع= في وصف ربعه ضياغم آل عرجائي إني لمن قومٍ يعز عليهم =قتل الرعاة ودمعة الحسنائي وإني لمن قومٍ تجير دخيلها= وتاقف معه في الضر والسرائي قبيلة تملكت مجد الشرف والشهرة= من ألف باء المجد إلين اليائي الله يعز رجال يامٍ كلهم= ويغفر لميتهم وللأحيائي وختامها صلوا على هادينا=راعي الرحول إللي إسمها القصوائي

الاخ الشاعر \ محمد العرجاني

صح لسانك مليووووووووون ولا يكفووووووووون


قصيده وافيه وجزله ......... تحياتي لك

وننتظر منك المزيد

تحياتي مره اخرى

[العرجاني محمد]

أهلين وسهلين ياالشهري ,, نورت القصيدة بمرورك ,,, والله يسلمك من كل شر ,,