الصـــمـــت ابــــــلغ لــــغـــاااات الكــــــــــــلاام....

[عاليه الاخلاق]

السلام عليكم ورحمة الله وبركاته

أسعد الله مساااءكم بكل خير

اعجبتني فأحببت نقلها لكم

الصمت له عندي معزّه ومقدار=في زحمة الافواه..يا مزين الصمت!!
لا صار بعض البوح عند البشر عار=لو يشتعل جوفي حشى ما تكلّمت
تعبت من قولة: (علامك)و(شو صار)=وان طحت ما ألقى سوى كلمة(سلمت)
واعذار اخلقها ولو مالي اعذار=مشّيتها مره..ومرات ما رمت!!
كذبة صباح الخير/يا صبح الانوار=عذري ليا عدّت ليالي ولا نمت
اسهر طوال الليل وضْيوفي افكار=واقول لاْصحابي:نعم توّني قمت!!
ما عاد فيني ألفت عْيون واْنظار=يكفي بأني من زماني تعلّمت
ان الصدر بيت/ن..وسكّانه اسرار=نيّام..بس يصحون لامن تألّمت
يصحون ويناظرهم الجار والمار=وش عاد ينفع سترهم لو تكتّمت؟!!
آقدّم اقدامي على درب الاصرار=امشي ولكن للأسف ما تقدّمت
(الغار قدامي..ومن خلفي النار!!)=والعمر يمضي بي وانا ما تولّمت
يا لين ذاك الحلم في لحظه انهار=وانا مع لحظة سقوطه تحطّمت
جروحي كثار..وتناهيدي كثار=لكن على كثر المواجع..تبسّمت!!
ثم أْلتزمت الصمت وعزومي اكبار=ولو يشتعل جوفي حشى ما تكلّمت

وسلامـــتكم ~~

[عليل المحبه]

دوسريه

ذائقه غير بكل الاطروحات

صح السان الشاعر

وتسلمين على نقلك الجزل

[عجمي و بكل فخر 2]

دوسريه , الله يجزاك خير ويغفر لوالديك

[ناثرة الورد]

{{ عزوتي دوسريه }}
,
,
آآبداع غير مستغرب
دمـت بهذا الرقي
تقديري ..,

[king الوادي king]

لاهنتي عى النقل المميز وجعلش تسلمين

[البندري القحطاني]

كذبة صباح الخير/يا صبح الانـوار
عذري ليا عـدّت ليالـي ولا نمـت
اسهر طوال الليل وضْيوفـي افكـار
واقول لاْصحابي:نعم توّنـي قمـت!!
ما عاد فيني ألفـت عْيـون واْنظـار
يكفي بأنـي مـن زمانـي تعلّمـت
ان الصدر بيت/ن..وسكّانه اسـرار
نيّام..بس يصحـون لامـن تألّمـت


حلــوة حلـــوة .. ياعزوتي

[عاليه الاخلاق]

المشاركة الأصلية كتبت بواسطة عليل المحبه

دوسريه

ذائقه غير بكل الاطروحات

صح السان الشاعر

وتسلمين على نقلك الجزل

الله يسلمك يا أخوي ولاهنت على الحضور الجميل

[عاليه الاخلاق]

المشاركة الأصلية كتبت بواسطة عجمي و بكل فخر 2

دوسريه , الله يجزاك خير ويغفر لوالديك

الله يجزاك خير يا أخوي على المرور والدعوه الطيبه

بارك الله فيك

[عاليه الاخلاق]

المشاركة الأصلية كتبت بواسطة ناثرة الورد

{{ عزوتي دوسريه }}
,
,
آآبداع غير مستغرب
دمـت بهذا الرقي
تقديري ..,

مرحبابتس يالغاليه ولاهنتي على الحضور الكريم

[عاليه الاخلاق]

المشاركة الأصلية كتبت بواسطة king الوادي king

لاهنتي عى النقل المميز وجعلش تسلمين

ومن قال مايهون يا أخوي وسلمت ولاهنت