كان ودك بالفراق .. ابشر عسى عمـرك طويـل ,,لاتـردد وانـت لـك كلمـه ولـك امـر ٍ مطـاع

[خلاوي الشمالي]

السلام عليكم

هذي اول مره انزل فيها قصيده بهالقسم وانشاالله انها تحوز على رضاكم واعجابكم:

من بغى الفرقا لقـى لـه عـذر واسبـاب ودليـل
خل عنـك العـذر والاسبـاب دام الحـب ضـاع

كان ودك بالفراق .. ابشر عسى عمـرك طويـل
لاتـردد وانـت لـك كلمـه ولـك امـر ٍ مطـاع

لـي عليـك انّـك تبّـت بكلمـة ٍ تشفـي الغليـل
ولك عليّ انـي لأوّقـف وقفـة الرجـل الشجـاع

لاتجاملني مخافة ( قال ) مـدري خـوف ( قيـل )
عمر ( هرج النـاس ) مايسمـن ولايغنـي جيـاع

كان قصدك ( سر حبك ) .. اوعدك لأصبح بخيـل
واحمل اسرارك معي للمـوووت قـدر المستطـاع

بس قلها ... قل ما احبك ... وابشر بصبر ٍ جميل
لاتحسب أني مثل مـن طبعهـم لـوي الـذراع !

صاحبـك ماهـو كـذا ياصاحـب القـد النحـيـل
صاحبـك طبعـه غريـب وغربتـه غربـه طبـاع

في الهـوى مايقبـل الحـل الوسـط ولا القليـل
مثل ماهو لاشـرى يشـري .. ليامـن بـاع بـاع

ثابت ٍ لو هـي تميـل الارض حـدره ... مايميـل
يـدري ان الفقـر ماهـو عيـب والدنيـا مـتـاع

ماعشـق لـذّة حياتـه كثـر عشـق المستحـيـل
ولا كـره حتـى مماتـه كثـر كـره الأنصيـاع

كم تعلّم مـن شديـد البـدو وش معنـى الرحيـل
وكم تعلّم من غروب الشمـس وش معنـى الـوداع

وكم تعلّم من سحاب الصيف وش معنـى الحصيـل
وكم تعلّم من ليـال البـرد وش معنـى الضيـاع

ايه انا هذا طريقي ( موحش .. وصعب .. وطويل )
وانت لامنـك تعبـت .. العالـم فجوجـه وسـاع

اعتبرنـي فـي بدايـة سكّـتـك عـابـر سبـيـل
و رح وانا قلبي معك من ويـن وجّهـت الشـراع

يكفي اني لاانذكرت فـي سالفـة عشّـاق .. قيـل
:عاشر احبابه شجـاع .. وفـارق احبابـه شجـاع


سلامتكم
منقول

[أبو مسعود]

صح الله لسانك ولسان من قال


جزله


بيض الله وجهك يابو سالم

[الشيخه]

في الهـوى مايقبـل الحـل الوسـط ولا القليـل = مثل ماهو لاشـرى يشـري .. ليامـن بـاع بـاع
ثابت ٍ لو هـي تميـل الارض حـدره ... مايميـل = يـدري ان الفقـر ماهـو عيـب والدنيـا مـتـاع
ماعشـق لـذّة حياتـه كثـر عشـق المستحـيـل = ولا كـره حتـى مماتـه كثـر كـره الأنصيـاع

/
/
/

ايه انا هذا طريقي ( موحش .. وصعب .. وطويل ) = وانت لامنـك تعبـت .. العالـم فجوجـه وسـاع
اعتبرنـي فـي بدايـة سكّـتـك عـابـر سبـيـل =و رح وانا قلبي معك من ويـن وجّهـت الشـراع

تسلم الايادى على النقل الرائع


تحياتى لك

[عديل الروح1]

الصبح محلى شرب حليب الحار
لي صرت مرتاح ومصلي < أقتباس من توقيعك الشمالي

لاهنت على القصيدة الجزلة

[خلاوي الشمالي]

حياكم الله ومروووركم شرف

[الغروب]

الشمالي

تسلم على هالقصيدة ...وصح لسان شاعرها

كل الشكر

[فـارس]

الشمالي

صح الله لسانك ولسان الشاعر

والله يعطيك العافيه على النقل الجميل

[حـــوران]

الله الله

ياسلااام على الــذوق يالشمالي

اختيـار جميـل يدل على ذائقه رائعه

وعلى فكره القصيـده هذي تعتبر من أفضـل قصايد الشـاعر / فـهد المسـاعد


صح لسـانك ولسانه ,, ونبي غيرها بعد

ولاهنت

[خلاوي الشمالي]

ياهلا وغلا مروووركم الارووع