--}{ ادري اني طحت في نذل وحسود }{--

[بدر بن تركي]

السلام عليكم ورحمة الله وبركاته

حروف متواضعه واتمنى ان تصل لذائقتكم الجميله

جددي في القلب جرحك يالعنود=واجرحيني كل ما شفتيه طـاب
همك من العام في قلبي يزود=ومنه راسي ياعنود الصيد شاب
جرحك اللي في الصدر مافيه فود=والله انه طابع مثل الكتاب
كنّ قلبي حزمةٍ والجرح عود=من كثر ما تجرحين القلب عاب
نار حبك تشتعل وانتي وقود=كيف داويتي عذابي بالعذاب
القمر والليل ونجومه شهود=ان قلبي في بحور الحب ذاب
لك بساتينٍ بقلبي من ورود=واقرب لمحجر عيوني من الهداب
في الهوى لابد توثيق العهود=دامنا يابنت في سـن الشباب
ماهقيتك تخلفين اقوى الوعود=القمر وشلون غطته السحاب
ماهقيت الحب ياظبي النفود=والمشاعر كلها تصبح سراب
ايه لي مبدا على سلم الجدود=ولو تزل الرجل يردعها العتاب
وبك انا يابنت جداني اسود=كاملين العرف وعزاز الجناب
طيبين النسل عربين الجدود=والدخيل ليا زبنهم مايخـاب
لو جهلتيني ترى ماني بجحود=صادق وافي وقلبي ما يهاب
لو سمعت الشام تحكي للزيود=وش علينا من سواليف تعاب
القوافل مالها بند وحـدود=ولا درت يا بنت عن نبح الكلاب
ويش جاب الثعل لشبول الفهود=ومن يقول الحر هاب من الغراب
عاذلي والعاذل بطبعه حقود=في عيوني ما يساويله ذبـاب
ادري اني طحت في نذل وحسود=وادري ان الدم ما يصبح شراب
وادري ان العمر يابنت معدود=وادري ان نهايتي تحت التراب
مار هذا الوقت والحظ معقود=وكل خرج اليوم نلقى فيه داب

وسلامت قلوبكم

اخوكم
بدر بن تركي العتيبي ( وضح النقى )

[العـــسر]

حجزز أول


وادري ان العمر يابنـت معـدود
وادري ان نهايتي تحت التـراب



مار هذا الوقت والحـظ معقـود
وكل خرج اليوم نلقى فيـه داب




الله الله


صح لسانك يالعتيبي

ولاهنت على هذا النص الجميل



مبدع .... فإنتظار جديدك

تقبل مروري

[محمد ال الضريره]

وبك انا يابنـت جدانـي اسـود@كاملين العرف وعـزاز الجنـاب

نعم بعتيبه ملوك الحجاز وسلاطين نجد

بدر بن تركي

صح السانك

خالص تقديري

[الغروب]

بدر بن تركي

قصيدة جزله وابيات وافيه

صح لسانك .

[هادي بن فهاد]

صح لسانك يالعتيبي

ولاهنت على هذا النص الجميل

[عـســاف]

صح السانك

[ناصر آل ذروه]

الله الله


رائع يابدر


صح السااانك



تقبل تحياتي

[shmoo5_ al_ajmy]

بدر بن تركي

صح السانك ولاهنت علي القصيده

تحياتي