مساجله شعريه .......

[ديمه]

هلا بك يامحمد ..

مو على كيفك ..لاعاد تكتب ذا البيت <<تبي تصعبها عليك

الهاء يقول

هاتي دليل صادق يدفع خطاي
على مشارف واقع اللى تبينه

يمكن تحسمين التردد بدنياي
وآخذ قراري من خفوقك وادينه

تعبت اداري رغبتي تايه الرأي
في غربه فيها المشاعر حزينه

وشو شعورك كل ما حل طرياي
تبكين والا خافقك تضحكينه؟؟

نفسي اعرفه حلمي الجاي
والحق على عمر توارت اسنينه

من قبل مايضحك على اعداي
واموت من جور الهوى والغبينه


هاااااء ..

[محمد الشامري]

الحاجه اللي عل شرواك حدتني &&& والا انت منته بقد النفس ورضاها

بيت مهوب على الحرف المطلوب

لكنه طرالي وكتبته

[ديمه]

الالف

الحاجه اللي عل شرواك حدتني &&& والا انت منته بقد النفس ورضاها

[عبدالله الوعيلي]

ســــــــــــــــلام ..


الحَرّ الأشْقَرْ داميَ المخْلـب يعيـش
مَا بَرقَعه –راعي الثَّرا- في حو يَّـه

مثل الصَّقر مثل الرَّجـال المداغيـش
مـا تشْتـرى نَظراتهـم بالهـديّـة

دنياي لا تاتيـن باخلـف هقاويـش
روحي بعيـد هنـاك لاهـلِ الدِنيّـة

قد قاله ابن الذيب "كبدي وأنا اخيش"
وما حيلتش غير الصّبرْ يـا اْجوديّـة

[ليال الحنين]

وعليكم السلام


هذي رسالة تاصلك في قصيدة
فيها بأعبر لك من القلب بإحساس
أببتدي وياك صفحة جديده
ولا أتركك وأتوب ياشمعة الناس
لا تبتعد عني بديره بعيده
كيف يتحمل غيبتك قلب حساس

[لـمـى]

ذبحني السين

سلم راسك .. قسم باللي لسانك من دعائه رطب..!
................... : اذا جابوك بالطاري..../ سرحت .. اقراء طواريه..!
:
يأول من ملك قلبي../ رضا../طيب../ وطيب وغصب..!
................... : يأحلى من قراء شعري.../ ومن فسّر معانيّه..!

[عبدالله الوعيلي]

طيب صح لسانش ليلوووله ...


وانا ذبحني الهااا .. :sad:

هـذا قصـيـدي مــا يـبـي اي تحلـيـل
خذنـي قتـيـل الـحـب .. والا دخيـلـه

[لـمـى]

الهاء مقدور عليه

هـل الغمـام ولا رويـت أطـرافـي
اللـي تولاهـا العطـش مـن حينـه

والبـرد شاركنـي خفيـف لحـافـي
لا واهنـي منهـو يـفـارق عيـنـه

صحابـي إحسـاس القصيـد الغافـي
وراح العمـر كلـه علـى تلحيـنـه

بـردٍ يـدور لـه خـفـوقٍ دافــي
وأنـا الدفـا والله مــدري ويـنـه

ديّانـي وجـانـي يـبـي يستـافـي
هو باقـي بـيٍ مـا يسـدد دينـه ؟؟

يكفـي نحولـي .. والذبـول الطافـي
على ملامح وجهـي .. ويـا بينـه ..

ما غير أجامـل مـن خفـاه الخافـي
ولا جف عـوده فـي شبـاب سنينـه

لا من سألني عـن جفـاف أطرافـي
وعن حالي .. وحالي مهو من زينـه

وأجـاوب بـردٍ مـهـو بالشـافـي
جـواب مـن أمـره مهـو بيديـنـه

(زينـه .. وقلبـي طيـبٍ متعـافـي)
وإلا ( لهو "عافي" و لاني " زينه " !! )

عذرا على الإطــالــة

وهاء مرة ثانية

[عبدالله الوعيلي]

معذوره يا بنت الحلااال ..
وخلينا نطحس معــا حرف الهاء الين الله يحلهاا

هواك نجدي وزولـك زول بعلبكـي
تكرم عن الشام .... ماطبيـت قيعانـه

متحمل(ن) في هواك وعاتقي مركـي
من فوق صدر(ن) غرامك مزع اركانه

<< الظاهر ان ذي ثااني مره اكتب هاالبيتين بس يالله معلييييييييه ..

[لـمـى]

هنا هنا..ما بين "رمشي " وعيني
....تعال "حـــلم" يسكن أهدابي السود..!!