ترى صديق الود لازومن نخاويه ...

[الشيخه]

اخترت لكم هذه القصيده اتمنى انها تنال اعجابكم :

يامرحبا باللى يقل الحكى فيه = من بنت شيخن لاعها الوقت مالى
تقوال لى بحكى لاعلى الاقيه = يم الصديق اللى يعرف المجالى
ترى صديق الود لازومن نخاويه = ونعرف طريق الحب عن ما صفالى
ولا العدو (يخسى ) ولانى مماشيه = يعقب ولا يالغاء من فى هبالى
انا هويت الزين من شان غاليه = ولا عالى من كلام العذالى
تقوال لى زينه وانا اقوال وش فيه = زينه عظيم ولا يجى حواله جدالى
تقوال ضحكاته تزيد الحلا فيه=يجعل ضحكانه على الدوم طارى
ترفقى يابنت فى حال هاويك =أما عتب ولا قطعت اتصالى
وتنهضى يابنت حذراك لا تهيه =عن حب ناسن ماتعرف المعالى
انتى كما مهره تليق الرسن فيه = وحذراك من حبك لشخصن يبالى

سلامتك: الشيخه

[فهد بن محسن]

الاخت \ الشيخه

صح لسانك ولاهنتي يالسنافيه على ذا القصيده الرائعه


تحياتي لك

[عبدالله المري]

صح لسانك اختي الشيخه ولا هنتي قصيده رائعه ومن رائعه...
لكن للتنويه فيه خطاء مطبعي في حال هاويك اتوقع انك تبين تقولين هاويه على العموم القصيده مسكته ولا عليها كلام..

اخيك عبدالله المري..

[الشيخه]

مرحبا بك ومسهلا اخوى عبدالله

شاكره لك على الملاحظه اى وانت نبهتنى عليها الله لا يهينك

وتواجدك شرف لى

ارحبووووووووووووووووو

[السنافي]

صح لسانك ولاهنتي يالسنافيه على ذا القصيده الرائعه

[الشيخه]

صح بدك يالسنافى

ومرحباااااااااااااابك ومسهلا تواجدك شرف لى

تقبل منى خالص التحيه

[عز ومهااابة]

صح السانك يا الشيخة على هالقصيدة الجزلة
عز ومهااابة
التوقيع

أنا بنت الكريم الي يفرج عن المعسور^^^اليا من عطى حتى أهله ما دروا عنه

[العرجاني محمد]

صح لسانك ياالشيخة ........بإنتظار جديدك

[الشيخه]

ارحبى ارحبى ((( عـــــــــــــــــز ومهــــــــــــابه )))

اهلا وسهلا

مرحبابش يالغاليه

تقبلى منى خالص التحيه

[شيخ قحطان]

انا اشهد انك شيخه وتسلمين على هذا الابداع والاختيار الموفق تقبلى تحياتى ...........

شيخ قحطان من نجد العذيه