تصميم شركة سبيس زوون للأستضافة و التصميم و حلول الويب و دعم المواقع

الريمي 2009 · #1 23-02-2010, 05:03 PM

السلام عليكم
مسائكم /صباحكم ورد جوري

هذي مقتطفات للشاعر متعب التركي او متعب القلوب

اتمنى بان ذائقتي ترتقي لذائقتكم

لك بقلبي غلا واعجاب ماهو بزايل (=) لو عن الارض زال طويق والا سنام

كن دمع العيون اللي على الخد سايل (=) صافي الما وهو يسقى ورود الخزام

راوي العود لاقاصر ولاهو بطايل (=) ينعرف زولها لو هي بوسط الزحام
.
.
.
.
ضحيت بالواقع على شان الاحلام (=) وضحيت بالغالي على شان غالي

حتى الغرام اللي كسر قلبي العام (=) ماني بحاله كان ماهو بحالي

ماينحسب عمر البنادم بالاعوام (=) بعض السنين نعيش فيها ليالي
.
.
.
.
متى ذكرتيني على شان تنسين (=) خليك مره صادقه وانصفيني

في وقت واحد تكرهين وتحبين (=) انا تعبت استحملك واعذريني

حبٍ سرق من عمري ايام وسنين (=) مثل الهوا مايمسكنه يديني
.
.
.
.
احلى سنين العمر راحت هدايا (=) لك يامجازي بالردى راعي الطيب

لي في حياتك ذكريات وخفايا (=) تبقى ولو باكر غزا راسك الشيب

ولا الوفا ماله بقلبك بقايا (=) عند الذي مثلك اظن الوفا عيب

.
.
.
.
ياليت مجروح الهوى جرحه يشاف (=) لقول قرب من جروحك وشفها
.
.
.
.
اليا نشدوك العرب وش بينك وبيني (=) قولي حياتي قصيده ..كان شاعرها
.
.
.
.
علمتني وشلون اصير انعزالي (=) واخذت مني راحة النفس والبال
.
.
.
اتعب وغيري يجي ياخذ على الراحه (=) من حظ غيري وانا اللي زارع وساقي
.
.
.
.
البسي لك ثوب غير اللي عليك (=) من لبس ثوب الغرور اكبر غبي

تحسبين الناس خاتم في يديك (=) من متى والعاطفه توخذ سبي

فز لك قلبي وانا قمت احتريك (=) والكريم يصير لضيوفه صبي

وسلامة قلوبكم

على دروب الغانمين · #2 23-02-2010, 05:12 PM

وعليكم السلام ورحمة الله وبركاته

مقتطفات رووعه

تسلم على الاختيار الرائع
وصح لسانك ولسان الشاعر المبدع متعب التركي

سمو الرووح · #3 24-02-2010, 02:41 AM

السلام عليكم ورحمة الله وبركاته

الريمي2009

لاهنت على المقتطفااات الرااائعة

تسلم يمناك على الاختيااار المميز

وصح الله السان الشاعر / متعب التركي

وفقك الله.