يا حياتي بالحياة إنته مقرك.. شيلة رائعة لـ بدر الحربي

[عبدالله آل عامر]

بسم الله الرحمن الرحيم
:
السلام عليكم ورحمة الله وبركاته
:
أسعد الله أوقاتكم بكل خير اخواني وأخواتي أعضاء ورواد مجالس قبيلة العجمان
:
أقدم لكم شيلة للشاعر: بدر الحربي وهي من كلمات الشاعر: الحميدي بن محمد بن كمي
:
أتمنى تحوز على رضاكم واعجابكم
:

:
للتحميل اضغط هنا
:

يا حياتي بالحياة إنته مقرك=بين ضلعين الخفوق اللي شقا بك
والله إن الشوق في قلبي تحرك=قبل أكمّل صفحتين من كتابك
الهوى له شارع دايم يمرك=قالها نايف* وأنا مريت بابك
الله إنه يا حبيبي لا يضرّك=للعمى عينٍ تحسدك في شبابك
عطني اللي في حياتك ما يسرك=وأخذ حياتي كلها واقفل حسابك
أتلذذ يوم أذوق بشوق مرّك= سالعروق اللي مع التربة تشابك
كل شيّ فيك زين ولا يغرّك=ديم غيمك ما تبدّد مع سرابك
جرني سلك الحرير اللي يجرك=واستهام الشوق وأمطر من سحابك
وسط قلبي راسم بحرك وبرّك=الخفوق أما سرح وإلا ظوى بك
والزرار اللي بحلقك لا يزرّك=لو يصل فيك الأمر تخلع ثيابك
النبي حرّم بالأبشار التبرّك=بس أنا لك وأتبرّك في جنابك
أنت ما أنت من البشر ما أخفيك سرّك=شي ثاني بس غيري ما درى بك
ويا زمن يا أكرم زمن لله درّك= حطت الأيام فينا في رحابك
ألتقينا وأجتمعنا في ممرّك=وعن بعضنا لا تشتّتنا ركابك

:
*المقصود هنا هو الشاعر نايف صقر عندما قال:

كل الشوارع تمرك يالحرير الحر=يا تل قلبي على لاماك من تالي

:
تحياتي للجميع
:

[هادي بن فهاد]

ياسلام عليك يابو ســــراج على الشيه الرائعه لاهنت

[عبدالله آل عامر]

لاندمت يابو فهاد وتسلم على تشريفك يالغالي
:

[ثامر الشميعان]

يعطيك العافيه يا عبدالله على القصيده الرائعه

[عيون الحر]

عواااااااااافي...
خيو/
عبدالله آل عامر
لأخلينا من ذوقك المبدع... سلمت الايادي...

دمت بخير..

[عبدالله آل عامر]

لاندمتوا والله يعافيكم
:
تسلمون على تشريفكم الراقي
:

[ليــه يازمـــن]

لاهنت

والله يعطيك العافيه

[وافي بن وافي]

عبدالله ال عامر تسلم الله لايهينك... تقبل تحياتي وتقديري

[عبدالله آل عامر]

لاندمتوا والله يسلمكم
:
تسلمون على تشريفكم الراقي
:

[فـهـيـد الــHــتــلانــي]

عبدالله آل عامر

تسلم يمناك ولاهنت على الشيلة الطيبة