وين زمانك يالكويت

[الخليفه]

بسم الله الرحمن الرحيم
السلام عليكم ورحمة الله وبركاته
كيف حالك ياشباب
اليوم حبيت أكتب لكم عن مشكلة المنتخب الكويتي
الذي كان يعد من المنتخبات الاولى في كؤوس سوء كانت أسيا أو كاس الخليج أو حتى أبطال العرب
لكن الذي نشاهده الان وبالتحديد في هذي السنين تراجع المنتخب
الكويتي تراجعاً كبيراً وملحوظ أصبح الانجاز هو فقط المشاركه في تلك الدوره أو تلك البطوله ونحب يدنا وجه وقفى إذا وصلنا لربع النهائي
هذا إذا وصلنا
والذي زاد الطين بله هو تنازع الشيوخ على كرسي الاتحاد
أتذكر مقولت الشيخ فهد الأحمد رحمه الله عندما قالوا له
متى يترك منتخب الكويت كأس الخليج فقال لهم مبتسم إذا كانت الكره مربعه
وهذا دليل على أن الكره الكويتيه في ذلك الزمان في أحسن حالاتها
أنا لم أكتب هذا المقال لي أذكر بالماضي لكن ليتنا نتقدم ولو بالقليل
في هذي البطوله كأس أسيا لم يشارك منتخبنا وفي كأس الخليج كان قبل الاخير
ماذا بعد
أصبح لعبينا لايهتمون إلا لثلاث:
1: التنافس بالمعجبات أي كل شخص يقول لثاني معجباتي أكثر منك الا مارحم ربي
2: طريقة التسريحة الشعر وكذلك الا مارحم ربي
3:عرض مهاراته أمام النوادي الخارجيه لكي يستعيروه

طبعا لوعيبنا مافيهم الا يعرف يلعب وأغلبيتهم داخلين بالواسطات

الجمهور الكويتي والساحه تبغي فن ومهارات

دعونا من هذا كله ولأترككم مع تلك الصور
وشوفوا الفرق


الشيخ فهد الأحمد الصباح

أحد أعمدة الرياضه في الكويت وصاحب الانجازات


طلال الفهد الاحمد الصباح
يقال أنه رمز من رموز الرياضه الكويتيه


أحمد اليوسف الصباح
وكذلك يقال أنه رمز من رموز الرياضه الكويتيه


منتخب الكويت القديم


منتخب الكويت الجديد

طيب شالفرق بين هذا وذاك ؟؟؟؟؟

ويـــــــــن زمـــــــانـــك يالمنتخب الكويت
بقلم
عبدالله خالد ال زريق

[بن جابر]

لكل زمان دولة ورجال

[نشميه من حايل]

يعطيك العافيه
أخوي ال زريق
مع أني مو متابعه للكره بشكل عام
لكن لحظت أن الكره الكويتيه تتراجع
كنت قبل أقول أف شالمنتخب الاي دايم يفوز
لكن الحين مانسمع عن أخباره

[محمد الهتلاني]

اخوي الغالي ال زريق صدقني ان مسئولية تراجع الكرة الكويتية هم المسئولين والصراع على انتخابات الاندية وعدم اكتراثهم بدعم الاندية والله عندنا لاعبين موهوبين بس ما لقوا مسئولين يشجعونهم.

والسبب المهم لا يوجد نظام احتراف لاعب مسكين عنده اختبارات والمسئولين في النادي ما يساعدونه شلون تبونه يقدم مباراة وبعد يومين عنده اختبار بالتالي اللاعب نهاية الكورس يسقط والسبب الكورة؟؟؟
اللاعبين الموظفين نفس الشيء خصم وفصل من الوظيفة والسبب النادي.
ما فيه نظام احتراف يحرص على الحفاظ على حقوق اللاعبين اللاعبين عندنا في الكويت يلعبون بدون فلوس وبدون معاشات زين منهم انهم يلعبون في الاندية ونجد في المقابل الدول الخليجية تقدم الملايين للاندية من دعم حكومي وخاص وهاذي اهم الاسباب.

وسلامتك يا الغالي

[راعيــة الذوووود]

هههههههههههههههه

والله حاله اما عن تفكير لاعبينا خطيبرهوهذا الصحيح ,,,
لاهنت اخوي ال زريق و تراك قلبت المواجع واقوول بقلبي " ياعزاااه " من اول الكل يهابنا ذلحين الكل معطينا طاااف لاونقص على اعمارنا نقول زهقنا من البطولات ليش هو حاصلنا ...عزاااه ايام حمد الصالح ...
الحين والله من النقص قمت اشجع السعوديه و اتمنىالكويت تصير مثل قوة منتخبهم ولو جزء منهم .... ولو يفهمون بعض الناس ان اللاعبين مو على اشكااالهم بل على لعبهم باالمباراة بس لاعبينا شايفين انفسهم على شنوووو مو من زين اللعب ؟ شوف لاعبين السعوديه ماهمتهم اشكالهم يطلعون ويقدمون اكثر من المطلوب عشان بلدهم مااقوووول الا حسبي الله على اتحادنا "
وانشاءالله يتحسن الوضع و يشدون الهمه لاعبينا و الاتحاد....

وصدقت يابن جابر لكل زمان دولة و رجال و الحين صار الزمااان للعراااااااااااااق

[عـسـاه خـيـر]

لاهنت اخوي ال زريق على هذا العرض الرائع (( وين زمانك ياكويت ))

[فهد ال سليمان]

لاهنت أخوي ال زريق
صدقت والله الكوره الكويتيه بتراجع للخلف والسبب أطماع الاسره الحاكمه
ومشاكلهم بين بعضهم لاحول ولاقوة الا بالله
الان أصبحنا نحصل على المراكز الاخيره ولاخسرنا قام لعبينا يتبكبكون
والناس تتقدم وحنى نرجع إلى ورا وين الاي كنا نفوز عليهم 4/0 والاي 6/0
أيام راحت ماظنها بترجع

[المنجرح]

اخوي الصراعات الي صايره راح تمتد و مافيه رجعه لكورتنا إلا بإنتهائها .. و احمد اليوسف .. لم يعمل شي في اتحاد الكره بل كان الافشل ..!!؟؟

[بطاح]

لاهنت اخوي ال زريق على هذا العرض الرائع (( وين زمانك ياكويت )) ,,



تحياتي لك ؛؛

[شبيب بن فنيس]

للأسف الكره الكويتيه من حفره الى دحديره


والسبب الواسطات والمحسوبيات


حتى ملاعب صاحيه للأسف ماعندنا


الا اللهم ستاد جابر الي قيد الانشاء

الله يعطيك العافيه يا ال زريق

على الطرح الرائع وتسلم يمناك


وما نقول الا الله يوفقك يا منتخبنا