وقف قبل لا تروح واسمع ثواني ... شيلة رائعة من كلمات بندر الخمشي

[عبدالله آل عامر]

بسم الله الرحمن الرحيم
:
السلام عليكم ورحمة الله وبركاته
:
أقدم لكم هذه القصيدة للشاعر: بندر الخمشي وهو من قام بإلقائها
:
والشيلة بأداء المنشد: عبدالله العبودي
:

وقّف قبل لا تروح واسمع ثواني = ماني بمن يبكي على شانك أقفيت
لا تحسب إني في غيابك أعاني = أو بنثر دموعي ليا أصبحت وأمسيت
بالعكس مثلك واجد بذا الزماني=ويا ما بهالدنيا مرضت وتشافيت
كنت أحسبك لا ضاق فيا المكاني=بيتٍ لشخصٍ تائهٍ ما لقى بيت
مثلت لي دور الخوي الأناني=وأنا على النية بظهرك تعزويت
واللي هقيته فيك عكسه لفاني=ما أذكر أنا في حقك بيوم زليت
لا تحسب الخافق بهجرك يعاني=ما لك غلا عندي ما دامك تغليت
والله فلا أتبع خطوة اللي جفاني=بالعكس عزة خاطري رحت وإن جيت
والله لا أنسى كل شخص نساني=ولشوفته والله فلا أقول يا ليت
تعبت أدور لي رفيق بزماني=بس الزمن ما جاء على ما تمنيت

:

:
للتحميل اضغط هنا
:
تقبلوا تحياتي وتقديري
:

[فيصل العجمي]

من طول الغيبات جاب الغنايم...

ولاهنت يبو سراج على القصيده...

وصح لسان الشاعر بندر الخمشي و عبدالله العبودي...

وتسلم يمناك و بإنتظار جديدك...

[هادي بن فهاد]

الله الله

تسلم ياعبدالله على ذوقك الراقي في اختيار القصايد لاهنت

[عبدالله آل عامر]

فيصل العجمي - هادي بن فهاد
:
لاندمتوا والله يسلمكم يالغالين
:

[حــســن الــعــذاب]

لاهنت يا " عبدالله آل عامر " على القصيدة وتسلم يمناك

[ناثرة الورد]

{{ عبدالله ال عـامـر }}

,
,

آآبداع غير مستغرب
دمـت بهذا الرقي

تقديري ..,

[عبدالله آل عامر]

لاندمتوا ولاعدمتكم نفداكم
:
أشكر لكم حسن تشريفكم
:

[نجلا قحطان]

يعطيك العافية على روعة الذوق وقمة الإحساس ...

والله لايهينك ..

تقبل مروري
نجلا

[عبدالله آل عامر]

يعافيش ربي ولايشينش أختي نجلا قحطان
:

[فـهـيـد الــHــتــلانــي]

لاهنت يا " عبدالله آل عامر " على القصيدة وتسلم يمناك