شلعة العين

[عبداللطيف الفضلي]

ياريم لاتجفل ترى مقصدي زيـن = حيّـاك يـوم انـك قـريـت القصيـده


قلبي تـرى ذبّاحـته شـلـعـة العـيـن = يهوى القنص بس الغزالة تصيـده


دقـات قـلبي صايـرة حـروة الفين = كـنـه يصفّـق لك ويـنـشـد نـشيده


يزلزل اركان الحشا كـان توحيـن = مـن زود دقّـاته يـخوّف رعـيـده


يهوى وخايف ماعرف مين تهوين = بين الحزن عايش ولحظـه سعيـده


كـلمـة احبــك حاجـتـه كان تـدرين = تـطـفي فؤاد اللي تـسعـّر وقـيـده


يموت يوم انك عن الوصل تـقـفين = ومقابـلك عـنده حـيـاة(ن) جــديده


حسنك إلهي ما يـضاهيـه تحسيـن = ياللي هواك القلب ياحـلى طـريده

[أبو دمـعـه]

صح لسانك يا الغالي على القصيدة الراااائعة

[عبداللطيف الفضلي]

الله يعافيك ومرورك أروع

[عساف ال محفوظي العجمي]

يسلم قلبك من شلعه العين قصيده رائعه وجزله كروعه قائلها

[عبداللطيف الفضلي]

الله يسلمك اخوي مرورك أروع ولك مني أجمل تحية

[ابو هند الحارثي]

المشاركة الأصلية كتبت بواسطة عبداللطيف الفضلي

يموت يوم انك عن الوصل تـقـفين = ومقابـلك عـنده حـيـاة(ن) جــديده

الله الله صح لسانك ويعطيك العافيه

[عبداللطيف الفضلي]

صح بدنك والله يعافيك ويسلمك