درس في فنون ... الوداع

[صالح ال كحله]

اهديكم هذه المتواضعه .... من الارشيف
واتمنى ان تنال اعجاب القارئ الكريمــ ...

انتهينـا وارفـع لـدرب فرقـانـا شــراع= باتحـمـل غلطـتـي والقنـاعـه مكـسـبـي
لو عيوني من سبايـب ظنـا الفرقـى اجيـاع= اجحـدي ياعيوينـي اكبـر دلالات اغضـبـي
دامني قـررت والقلـب راضـي(ن) باقتنـاع= مـا تعـودت اتلفـت وانـا مـن صلـب ابـي
والرجل لا عاف ماشـاف فـي ماجـاه فـاع =ومن رضى بالهون ماهو بمن صلـب اعربـي
لـو تعلـق فـي هـوى مـن يحبـه بالتيـاع= وقـال لعيونـه علـى الخـد هلـي واكتـبـي
لازم ايحدد بـدرب الهـوى شبـر(ن) وبـاع= عقبهـا يـلـزم علـيـه ايتـفـادى ويعـبـي
فرق بيـن الليـل الادهـم ومطـلاع الشعـاع= وفرق بين الراس بالقوم مـن خطـوى صبـي
ولا تحسب اني ما اعرف الشجاع من الرعاع= ومدرك(ن) قدر الاوادم .. واقـرر ويـش ابـي
اسبقونـي يـوم قالـوا تـرى الدنيـا متـاع= ومـن تغيـر جـزت منـه وهــذا مذهـبـي
الخطاء مـا ارضـاه وقـف وشليـت القنـاع= وبان وجه الزيف ..واشعلـت نـاري باحطبـي
يامدرعـم لا تهقـوى تـرى دربـك ضيـاع= راحة البـال الصراحـه وقـل لـي وش تبـي
التطـبـع لا بغيـتـه يمـاثـل للـطـبـاع =يحرجـك وينزلـك مـن عـلـوك باهـدبـي
وما انكر ان وجهك به الحسن زاد الصاع صاع= والعيـون السـود لا سلهمـت تسبـي سـبـي
وفيك وصف الزين راهـي ولا تلقـى نـزاع= وفيـك هيبـه مـن تلفـات عنـقـك ياظـبـي
حتى لو هذي اوصوفـك تـرى مـا فيـه داع= عافك الخاطر ولـو جيـت تحبـي لـي حبـي
تدري اني كنت مغليـك لاكـن كيـف ضـاع =مـا تجاوبنـي وتــدرك وتفـهـم ياغـبـي
الغـلا ماهـو بيشـرى ولا شـي(ن) يـبـاع= الغـلا وهبـه مـن اللـي بعـث فينـا نـبـي
والغلا مايحكمه وصـل مـن عقـب انقطـاع= يحكمه قلب(ن) سمـوح(ن) الـى جـاه اعتبـي
واثق(ن) منها "وكل امراء(ن) بمـا استطـاع"= لا تـزودهـا كفـايـه وابعطـيـك اطلـبـي
ودي ادرسك درس(ن) عـن افنـون الـوداع =وياعسـى الله يخلـف اللـي بذلتـه واتعـبـي
ولا تحسب انـي ابـي منـك للامـر انصيـاع= ابغـي اعلـمـك والا انــت لا والله اتهـبـي
من يعـز النفـس يرقـى شمـوخ الارتفـاع= ومـن فضـل رب المخاليـق عزيـت اشنبـي

وسلامت قلوبكمـ

[مهرة النسيان]

الابداع لا يحده ارشيف .. ..

طالما هو يتجدد ويمتعنا بنبض حروفه ..

اخي صالح .. صح الله لسانك ولافض فوك ..



* طلب صغير ..

قصيده ماخذٍ ثلثيني كتابيه .. لو سمحت

[شبيب بن فنيس]

ارحب يا صالح ال كحله


صح السانك وصحت يمنيك يا السنافي



قصيده روعه وكفو عليك


وفي انتظار جديدك

[راكان المحفوظي]

من يعـز النفـس يرقـى شمـوخ الارتفـاع***ومن فضـل رب المخاليـق عزيـت اشنبـي

الله الله

صح لسانك يابو علي على القصيده الجزله وبيض الله وجهك يالقرم

ننتظر المزيد من الابداع

[نشميه من حايل]

صح لسانك يا صالح ال كحله
ودوم متميز بشعرك

[عبدالله بن فهد]

صالح ال كحله

صح لسانك

تقبل مروري

[الملكة]

اسبقونـي يـوم قالـوا تـرى الدنيـا مـتـاع---ومـن تغيـر جـزت منـه وهـذا مذهـبـي
مبدع يا صالح.. وابدعت بالقصيده
صح لسانك × صح لسانك × صح لسانك ..

[فهد ال مسعود المري]

ابن كحله سجل مروري .. بيض الله وجهك ياطير شلوى وصح لسانك على هذه الرائعه

[الفرس]

اسبقونـي يـوم قالـوا تـرى الدنيـا متـاع
*******************************ومـن تغيـر جـزت منـه وهـذا مذهـبـي
الخطاء مـا ارضـاه وقـف وشليـت القنـاع
***************************وبان وجه الزيف ..واشعلت نـاري باحطبـي


صح لسانك .. كلمات روعه .. وعزوف اروع ..

تقبل اعجابي ..

[الشيخه]

الشاعر الرائع : صالح ال كحله

صح اللسانك مليوووووووووووون جزل ولا يجيب الا الجزل

شطر واحد يغنى عن ابيات كثيره بالنسبه لى :

عافك الخاطر ولو جيـت تحبـي لـي حبـي

لا تحرمنا من جديدك القادم

تقبل منى خالص التحيه

الـــــــــشــــــــيــــــــخه