×一═︻▄█▒ __ تـــرانـــزيـــت __ ▒█▄︻═一×

[مناحي الصميل]

نعمةٌ من الله عزّ وجل ..

ان يشعر الإنسان بـ قُرب والديه وإخوانه منه . !
فـ هنالك الكثير مِنّا بعد ولادته توفي أباه او امه .. أو احد إخوته . !



بـ معنى انه تعايش مع هذه الدنيا .. وهو يفتقد الى احد أهله .


بالأخير ..


تذكّر ان لك ربٌ .. رحيم .. غفور .. جبّار .. عزيز .. مُهيمن .

وتذكر ان باب الرحمه والمغفره .. مفتوح .


فـ عليك بالدعاء .. إن الله قريب يجيب دعوة الداعي .. إذا دعى .

وجدي على اللي ضاعت .. أيامه .. هِبا . ! = في عالمٍ .. ما شاف منّه .. ( فايده ) . !
من عاده صغيّر .. وعاده ما حِبا . ! = متعايشٍ بين .. الظروف .. الكايده . !
ما بين موت ( إبيه ) , ( وأخوانه ) .. رَبا . ! = رغم الشعور .. انّه فقد .. ( سنايده ) . !
ما حسّ بأحلام الطفولـه .. والصِبا . ! = كنّ القِدر .. حوله .. ( بِنا ) .. حدايده . !
كفى يا حظٍ .. ( بالِغ السّيْل الزُبَا ) . ! = ما قدّ حصل منّك .. وشفنا .. فايده . ؟؟

[مناحي الصميل]

من منطلق .. ( عاشق .. ولازم أهنّي ) . ! = ومن مبدأ .. ( الأشواق ) .. جاتش رساله . !
المستلم .. ( أنتي ) .. والإرسال : ( منّي ) . ! = مرسول أعبّر بالتهاني .. خِلاله . !
حلّت سنة 2009 .. ( وظنّي ) . ! = ماخاب فيش .. ( ولا اشتكى مِنش .. حاله ) . !
ولبّ الكلام اللي بيوصلْش .. ( عنّي ) . ؟؟= ( كل عام وانتي بخير , وأمن , وسهاله ) . !

[مناحي الصميل]

أفضلت فيني يا زماني .. ( ولا هنت ) . ! = أحييتني .. من بعد ما كنت .. مَنسي . !
لا يا زمن .. من..( تجربة عمري ).. أيقنت .. ! = إن الحزن .. فيني .. ( ولو بان ضرسي ) . !
كنت .. \. وأبيك تركّز بمفردة ./ .. ( كنت ) . ! = أحبّها.. ( لكنّ ) .. ماخاب حَدسي . !
أحسنت فيني يا زماني .. ( وبيّنت ) . ! = ان قلبها .. ( بالزيف والغدر ) .. مَكسِي . !
واليوم .. عقب اللي حصل .. فيني .. آمنت. ! = إني أجاملها.. على حساب نفسي . !

[مناحي الصميل]

غـــزّه

عِرض غزّه .. يُغتصب .. قِدم العيون . ! = والشرف والمجد .. ( مِنّا ) .. يشتكي . !
( أولمرت ) .. يضرب ويقطع .. ( فالمتون ) . ! = والعرب ما عندهم .. غير الحكي . !
اليهودي في ذرا .. ( بوش الحنون ) . ! = والصليبي .. لليهودي .. يِرتكي . !
كم .. وكم من .. ( أرمله ) .. تُذبح بِهون . ؟! = خلفّت أيتام .. تبكيها .. بكي . !
عِرض غزّه .. يُنتهك .. قِدم العيون . ! = والشرف والمجد .. ( مِنّا ) .. يشتكي . !

[مناحي الصميل]

/
\
/
\

قم يا قصيدي حان وقت الفخر ... حان = وأبنتقي مِنك البيوت .. الجزايل
أبغيك .. شاهد حقّ .. وثابت .. وبرهان = واحضّرك لا قيل .. ( وين الدلايل ؟ )
لي لابةٍ حلّت على كل ميدان = اليوم .. والا بالسنين الأوايل .. !!
يابوك .. حن ( عجمان ) .. والا قيل عجمان ؟ = يحضر لك التاريخ صايل .. وجايل .!
سيفٍ مجرّب لا حضر كل شيطان = اليا ضربنا .. يعتدل كل مايل . !
ربعي .. هل الوادي مواريث فرسان = اهل المراجل .. متعبين الأصايل .
حتى انشد .. ( التركي ) .. الى عهدك الآن = يضرب .. لك أفعال ( المعيضي ) مثايل
انشد وتلقى علوم وأفعال .. (( راكان ))= حرٍ تفاخر به كبار القبايل
من وادي العجمان .. لحدود نجران = الى الحسا وديار نجدٍ وحايل
لا جاء نهارٍ وإعتلى فيه .. دخّان ؟ = ويشاف فعل الرجل .. بين الفعايل ؟
أبشر بقومٍ لأعتزوا .. ( ثار بركان ) = حتى معاديهم اركبّه تهايل
وفعول ربعي يوم .. ( جوده) و ( كنزان ) = ويوم (العيينه) .. وقعنا له هوايل
يوم اغدروا في ذبحة .. الشيخ ضيدان ! = جينا .. بطشنا بكل .. خاين وعايل
الين صاروا عبره لكل خوّان = ولكل .. من نفسه تبيه إيتحايل
وفينا الجبان .. اللي عن الهوش عجزان ؟ = اليا اعتزت بنته ؟ .. يسوّي هوايل
( اهل القنازع ) بالملاقا .. لنا شان = لا ثارت الهيجا .. وجينا فصايل
هذا كلام الصدق .. وماني بغلطان = ( وبأعيدها لا قيل ويش انت .. قايل ؟ )

[مناحي الصميل]

تدري وش أكثر حاجةٍ .. تستفزّك . ؟! = وتوقّع بقلبك .. ولا يمكن تطوف . ؟!
واحد قبل .. ( عامين مرّوا ) .. يعزّك . ؟! = واليوم .. يمرّك .. بس .. ( ماكنّه يشوف ) . !!

[مناحي الصميل]

الله يرحم حالة الحب .. أوّل . ! = طعمه , ونيّاته , وحِلمه , وأمانه . !
واليوم لا والله .. ( الأوّل .. تحوّل ) . ! = ماعاد لك .. ( يا حبّ ) .. فالقلب خانه . !
أبسط وصوفه .. لا وصفته . ؟ .. ( يهوّل ) . ! = تحبّ من قلبك .. وتلقى خيانه . !؟!

[مناحي الصميل]

ان كان .. ( إيدي ) .. صافحت .. نذل .. وخسيس . ؟! = حرام حُرم الدمّ .. لأقطع .. ( كفّها ) . !

[مناحي الصميل]

Deer BaLEK

لا تقلّب .. أحزاني .. عليّ .. ( ثم .. أنكبك ) . !! = في كلمةٍ .. أجهل ..( مَدى مفعولها ) .!!
لِذا .. أنا هنا .. أعتذر .. وأبلّغك . ! = يمكن .. معي تمسك غلط .. وأقولها .؟!!

[مناحي الصميل]

مهرةٍ .. ( عينينها ) .. عين الظبي . ! = لا مشت جنب العذارى .. فارقه . !
شفتها .. بين البراقع .. والعِبي . ! = كنّها .. شمسٍ عليهم .. ( شارقه ) . !
مُلفِته .. والعين .. ؟ .. ( تسبيها .. سَبي ) . ! = حارقه .. كّرت الصبايا .. حارقه . !