بغيت فزعة....ابغي رد الذيب على الشاعر الإماراتي...

[ذيب الإمارات]

السلام عليكم...
اشحالكم اخواني عساكم إلا بخير...
انا توني مشترك فهالمنتدى الطيب وانا من اشد المعجبين بولد الذيب...

بس ابغي منكم طلب..

ابي رد الذيب على الشاعر الاماراتي محمد بن طناف الكعبي لأني متحدي ويا خوياني على الرد ومستحيل الذيب يسكت عليه...اكيد بتستغربون وبتقولون انت اماراتي...وانا برد وبقول انا اماراتي وافتخر اني ولد زايد... بس ما يصح الا الصحيح..عاد هذا الطحلب اييب قصيدة في الذيب والله قهر..
ترا شعراء الإمارات الجداد الصغار فضحونا واولهم فزاع اونه شاعر...

تكفون ابي الرد...

[ضيدان بن مترك]

	[بغيت فزعة....ابغي رد الذيب على الشاعر الإماراتي...] ألأخ..ذيب ألأمارات.. أمسك ألمفرص ولأتحرص وألموضوع بسيط تراك أخلعتنا طلب ألفزعه في شي أكبر وألشباب أذا رجعوا من صلأه ألتراويح.جاك ألعلم وعسي ألله يكتب أللي فيه ألخير للجميع......

[ذيب الإمارات]

ترا لازم اكتب موضوع يلفت الانتباه ويجبر الواحد انه يدخل...
تراني داخل زماط وابي الرد اذا تقدرون...

[ضيدان بن مترك]

[

	تراني داخل زماط وابي الرد اذا تقدرون] ألأخ ألمكرم..ذيب ألأمارات.. أولأ.. أرحب وحياك ألله بين أخوانك في مجالس ألعزوألشرف أهلأوسهلأ فيك. أخي..ماذا تعني كلمه..زماط..؟؟؟ألله يوفقكم وألسلأم..............

[ذيب الإمارات]

تحدي

[ذيب الإمارات]

زماط = تحدي

[فزاع]

حياك الله ياذيب ألأمارات

ومثل ما قلت بعض شعارنا سووا لنا فظايح الله المستعان.

هل تقصد رده على القصيدة هاي رده على الشاعر جراح؟؟
مرقص دبي اللّي له القلب يرتاح
حتى سلاطيـن الجزيـره تدلّـه
لاصار ما في شربة البن مصلاح
غرشه من الويسكي بفنجال دلّه
وان كان يابن الذيب منته بمزاح
فانا عقدت الحبل وانتـه تحلّـه
هذي بدايـة معرفتكـم بجـراح
إما شربت الكـاس والا فخلّـه


رد عليه ابن الذيب بقصيدة رائعة يقول فيها:

ماهوب صح الله لسانـك ياجـراح
يكفي مـن العلّـه ثلاثيـن علّـه
أنته وعمامك هـل الكـاس لا لاح
والا سلاطيـن الجزيـره لا بـلّـه
حكام نجد اللّي ورا هضبـة رمـاح
ضلالهـم مثـل الجبـال المضلّـه
صغيرهم يلعب بكم لعـب مسبـاح
ويسد فاه أهـل القلـوب المغلّـه
إن مد كف الطيب ماهوب شحـاح
والـى تعـزوا دولـةٍ مستقـلـه
مانيب أزكيهم من جـا ومـن راح
يمكن يجي في صفة القـوم خلّـه
وان كان هرجك لي ولا انته بمزاح
يما حلا بعض الحكي فـي محلّـه
ما نشرب إلا البن الأشقر إلى فـاح
والا حليب بكار فـي وسـط ملّـه
رجل وطموحي من ورا النجم لا لاح
أكبر من اني أشتهر فـي المجلـه
يكفيني مـن المعرفـه والتمـداح
إني إلى ضاقت علـي قلـت : يالله
الوضع ذا مزعجني ولا نيب مرتاح
بـروح واخلـي لـك دبـي كلّـه

[ذيب الإمارات]

لا ابي رده على الشاعر الإماراتي محمد بن طناف الكعبي

[ضيدان بن مترك]

	[حياك الله ياذيب ألأمارات] ألأخ..فزاع.. حياك ألله جيت في وقتك أسم علي مسمي وألله يوفقكم لما فيه ألخيرومصلحه ألجميع أمين...........

[عنـَـاد]

يااخوووي انا عندي له مقطع في دبي

كان له في بدايةالامسية يقول طحلب وما طحلب وطحالب ومدري وش

مدري كانهي ذي ولا مهيب هي ان كانهي هي فبتعينها في القصيد الصوتي

ولاهنت